Taam peerd

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Friesen hings

't Peerd (Equus ferus caballus) is 'n oonevehoveg zoogdier oet de femilie Equidae. 't Bies is euver 't algemein groet; de sjófhuugde kin evels sterk variëre (vaan 'ne meter of minder tot eine meter tachteg of mie). De bieste koume neet mie in oersprunkeleke wèl populaties veur; alle peerd zien of gedomesticeerd of weer verwèlderd. 't Przewalskipeerd (E.f. przewalskii), wat tot veur kort nog wel in 't wèld veurkaom, is 'n apaarte oondersoort. (Soms weure ze zelfs es apaarte soorte gezeen; 't taam peerd hèt daan Equus caballus, 't Przewalskipeerd Equus ferus.) Mennekespeerd heite hingste, vruiwkes mere, klein veules en castraote roene.[1]

Peerd zien vaanaof de prehistorie door lui ingezat, veur versjèllende doele: es wèrkdier (veural in de landbouw: ploge etc.), es rijdier, es trèkdier veur kare en kojtse en in d'n oorlog (cavalerie). In de twintegste iew heet 't peerd aon belaank verlore, en allewijl is 't veural sport-, expositie- en vrijetiedsdier. Ouch weurt 't nog wel door pelitie en ordedeenste ingezat, zoewie therapeutisch (al of neet berijd) bij lui mèt (geisteleke of liefeleke) handicaps. 'n Historie vaan doezende jaore fokke heet 'n väölheid aon versjèllende rasse opgeleverd. Relatief klein peerd (sjófhuugde <1.47 meter) mèt euver 't algemein väöl behaoring en e gespierd uterlek weure pony's geneump.

Referenties[bewirk | brón bewèrke]

  1. Dit woord kump neet in de Nuie Mestreechsen Dictionair veur, evels wel in d'n AGL-Dictionair: https://web.archive.org/web/20120205011231/http://www.limburghuis.nl/Interact/nl_wdb/NR_WDB.htm. Me kint dit touwsjrieve aon 't feit tot de Mestreechtenere gein peerdsfokkers zien.


  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Taam_peerd&oldid=456717"