Ouren

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Sjènnes. Laes hie wie v'r mit de versjillende saorte Limburgs ómgaon.


Ouren is ein plaetske dat biej de gemeinte Burg-Reuland huert. 't Plaetske is gelaege aan 't rivierke de Our, en geuf de vösjer volop gelegenheid om te vösje. Aan de waeg van Ouren nao 't Luxemburgse Lieler sjteit 't in 1977 opgerichde "Europa Denkmal", precies op de plaatsj wo de grenze van 't Duutsj, Luxemburg en 't Belsj zich rake.

Bezeenswaerdig[bewirk | brón bewèrke]

In Ouren is de Rittersprung bezeenswaerdig. Dit is de plaatsj wo eine roofridder dae de jonkvrouwe van Ouren houw ontveurd same mèt paerd en jonkvrouwe van eine sjtiele aafgrondj sjprong, zoa in de Our. Om eventueel achtervolgersj te sjlöm aaf te zeen houw hae zien paerd oppenuuj mèt hoofiezers laote besjlaon. Allein houw 'r dees iezersj angesjom op de hove van 't paerd gesjlage zoadat 't sjuus leek dat ze de angere kantj opginge.

In de zudelijke oetluipesj van de gemeinte Burg-Reuland, eine kilometer onger 't dörp Ouren, tröf de wanjelaer aan de samevloeiing van de Ribbach en de Our 't Europamonument aan. Op dit drielandepunt is 't raakpunt van Dutsjlandj, het Groathertogdom Luxemburg en 't Belsj. De grens löp via de Our en de Ribbach.

Ouch de kirk van Ouren is bezeenswaerdig.

Toerisme[bewirk | brón bewèrke]

Ouren zelf is meh ein gans klein plaetske, meh haet toch nog eine winkel mèt bekkeriej, ein hotel, 'n paar bedriefkes en ein kemping wo luuj oet Nederland de eigenaer van zeen. Om in Ouren te kènne komme zeen d'r twae meugelikhede. De aesjte is de 14 kilomaeter lange waeg van Burg Reuland langsj de Duutsje grens sjlingerentaere of via 't Luxemburgse Weiswampach. Ouren ligk es 't ware ingesjlaote tösje 't Duutsj en Luxemburg.

Website[bewirk | brón bewèrke]

Commons
In de categorie Ouren van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Ouren&oldid=348466"