Ontariomaer

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


't Ontariomaer mitte veer anger Groeate Maere.

't Ontariomaer (Ingels: Lake Ontario) is ei vanne vief Groeate Maeren in 't naorde vanne Vereinigdje Staote en 't zuje van Canada. 't Maer haet 'n oppervlakdje van 19.009 km² en 'n uterste deepdje van 244 m. In 't naorde wuuert 't maer begrens door Ontario (Canada) en in 't zuje door 't Niagara-sjiereilandj en dore Amerikaanse staot Nuuj-York. Vanne Groeate Maeren is 't Ontariomaer 't klènste kwa oppervlakdje en 't op ei nao klènste kwa volume. Ouch is 't mit 75 m baove zieëspegel 't leegs-gelaenge maer vanne vief. 't Water wuuert aangeveurd vanoet 't Eriemaer dore Niagarawatervalle, en daorop aafgeveurd via de Saint Lawrencereveer nao d'n Atlantischen Oceaan.

De Canadese stej Toronto, Kingston en Hamilton ligken ane naordeliken en wèstelike waterkantj, dewiel de Amerikaanse stad Rochester ane zuudkantj ligk. De naam van 't maer kump oet 't Wendat, wo 't "groeat maer" beteikentj. De Canadese pervinsje Ontario is verneump gewore nao 't maer.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Ontariomaer&oldid=444789"