Olympische Zomerspeule 2021

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


't Nui Nationaol Stadion in Tokio geit deensdoen es Olympisch stadion. 't Steit op dezelfde plaots es 't Olympisch stadion veur de Speule vaan 1964.

De Speule vaan de XXXIIe Olympiaad waore gepland vaan 24 juli tot en mèt 9 augustus 2020 in de Japanse hoofstad Tokio. De Speule woorte touwgeweze op 'n zitting vaan 't IOC vaan 7 september 2013; Tokio won heibij dudelek vaan concurrente Istanbul en Madrid. 't Weurt d'n twiede kier tot dees stad de Speule organiseert; ieder deeg ze dit al in 1964. Daobij had 't land ouch al twie kier de Winterspeule (in 1972 en 1998). Sporters zalle deilnumme in 324 eveneminte in 47 disciplines vaan 33 sporte. Me verwach mie es 12.000 atlete.

Door de COVID-19-oetbraok, die in miert vaan dat jaor d'n umvaank vaan 'n wereldwij pandemie kraog, oontstoont discussie of me de Speule wel mós hawwe. 't Waor jummers neet zeker of de oetbraok daan zouw gestop zien, en de veurbereiing vaan väöl sporters zouw compleet in 't gedraank koume. 't NOC vaan Canada besloot de Speule te boycotte es ze op de geplande data zouwe gehawwe weure; aander len euvervogen 'tzelfde. Op 24 miert besloot 't IOC daorum, in euverlègk mèt de Japanse regering, veur de Speule ei jaor oet te stèlle.[1] De nui data weure 23 juli tot en mèt 8 augustus.[2]

Rifferenties[bewirk | brón bewèrke]

  1. Nu.nl - Japanse premier: IOC gaat Olympische Spelen met jaar uitstellen
  2. Nu.nl - Olympische Spelen beginnen definitief op 23 juli 2021


  Dit artikel is e sjtumpke. De kans Wikipedia helpe door 't aan te völle