Oberbergischer Kreis

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


D'n Oberbergischer Kreis (Ripuarisch: Boverbärjische Kreiß; spreek oet Boverbèrjisje Krais) is 'ne krink (Kreis) in 't zuie vaan Noordrien-Wesfale (Duutsland). Dit Rienlands distrik ligk in 't Regierungsbezirk Köln, de hoofplaots (de stad mèt de Verwaltungssitz) is Gummersbach. Behurende bis eine vaan de 31 kring in Noordrien-Wesfale (de 23 stei zoonder krink weure neet mètgetèld), heet 't 'n oppervlak vaan 918,85 km², 'n inwoenertal vaan 270.290 en 'n bevolkingsdeechte vaan 294 de veerkante km (volgens de census op 13 dec 2013). Edere Noordriens-Wesfaalse krink weurt geriegierd door 'ne landraod (Landrat) in de hoofplaots. In d'n Oberbergischer Kreis weurt 'n dialek gesproke dat Ripuarisch is mer in de Rienlandse volksmoond Bergisch weurt genömp. Dees gróp dialekte ligk al zoewiet vaan 't Limbörgs en de Ripuarische dialekte die nog kortbij euzen taol ligke aof, tot 'ne Limbörger zoonder Duutstaolege kènnis ziech neet verstaonbaar zal make in dees regio. Door de iewer heer heet 't Bergisch ziech ummertouw mie gekierd tege 't Kölsj (boe Limbörgs ouch zien basis heet ligke) en mie geriech op 't Paltisch en 't Elzassisch vaan Straotsburg. De in 1933 opgeriechte Kreis had in de aofgelaope iew 'n STEIGEND demografisch oontwikkeling. Zoe had 't in 1933 79.105 inwoeners en in 2000 287.186. Noe gief 't evels weer 'n krimp; in 2013 goof 't 270.290 lui.

Steij Gemeintes
  1. Bergneustadt
  2. Gummersbach
  3. Hückeswagen
  4. Radevormwald
  5. Waldbröl
  6. Wiehl
  7. Wipperfürth
  1. Engelskirchen
  2. Lindlar
  3. Marienheide
  4. Morsbach
  5. Nümbrecht
  6. Reichshof
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Oberbergischer_Kreis&oldid=405541"