Nynke Laverman

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Nynke Laverman (Weidum, gemeinte Littenseradeel, 14 april 1980) is 'n fadozengeres en actries die in 't Fries zingk.

Leve[bewirk | brontekst bewerken]

Laverman woort gebore in Weinum, gemeinte Littenseradeel. Nao häör VWO in Leeuwarden volg ze de Academie voor Kleinkunst in Amsterdam, boe ze in 2002 aofstudeerde. Ze prizzenteerde e tiedsje laank 't muziekprogram No Nynke ("Noe Nynke") veur Omrop Fryslân. In 2003 deeg ze op 't Oerol-Festival op Terschelling mèt in de veurstèlling Angela Vicario.

Nationaol bekind woort ze mèt häör cd Sielesâlt, die in 2004 oetkaom. Hei-op zingk ze fado op tekste vaan o.m. Jan Jacob Slauerhoff, allemaol in 't Fries vertaold. Op Keuninginnedaag 2005 trooj ze op veur keuningin Beatrix. Op 15 mei 2006, bij 't versjijne vaan häör twiede cd De Maisfrou, kraog ze de Piter-Jellespriis oetgereik. Datzelfde jaor maakde ze ouch 'n single mèt Rowwen Hèze, Droemvlucht, haaf Limburgs, haaf Fries. In 2007 waor ze in 't theater te zien in de Orkater-productie Cecilia. Häör daarde album Nomade kaom in 2009 oet, d'n opvolger Alter in 2013. Anno 2014 toert ze mèt Faderpaard.

Externe link[bewirk | brontekst bewerken]

http://www.nynkelaverman.nl

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Nynke_Laverman&oldid=352311"