Littenseradiel

Van Wikipedia
(Doorverweze van Littenseradeel)
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Littenseradiel (Littenseradeel)
Gewaeze gemeinte in Nederlandj

Veendel vaan Littenseradiel

Waope vaan Littenseradiel

Ligking vaan Littenseradiel in Friesland

Gevörmp 1984
Opgehaeve 2018
Opgegange in Leeuwarden, Súdwest-Fryslân, Waadhoeke
Provincie Friesland
Hoofplaats Wommels
Opperflaakde (bie opluffing) 132,64 km²
– daovan water: 1,89 km²
Inwoeners (kort veur opluffing) 10.755 (8-2017)
deechde: 82/km²
Lies van börgemeisters

Littenseradiel (Nederlands Littenseradeel; de Friese naom waor sinds 1985 officieel) is 'n geweze gemeinte in de Nederlandse provincie Friesland, in de Kleistreek, mèt 'n oppervlak vaan naoventrint 130 km² en zoe tösse de 10.000 en 11.000 inwoeners. Littenseradiel had neet minder es 29 dörpskerne: Baard, Baaium (Baijum), Bears (Beers), Boazum (Bozum), Britswert (Britswerd), Easterein (Oosterend), Easterlittens (Oosterlittens), Easterwierum (Oosterwierrum), Hidaard, Hilaard (Hijlaart), Hinnaard (Hennaard), Hûns (Huins), Iens (Edens), Itens, Jellum, Jorwert (Jorwerd), Kûbaard (Kubaard), Leons (Lions), Lytsewierrum (Lutkewierum), Mantgum, Reahûs (Roodhuis), Rien, Spannum, Waaksens (Waaxens), Weinum, Wjelsryp (Welsrijp), Wiuwert (Wieuwerd), Winsum en Wommels. De Friese naome waore officieel; de Nederlandse naome (boe die aofwieke stoont die tösse häökskes) waore allein es exonieme in gebruuk. Hoofplaots waor Wommels. Daoneve gief 't nog väöl naobersjappe.

Littenseradiel waor 'n echte plattelandsgemeinte: Wommels, de groetste kern, heet oongeveer 2000 inwoeners, de kleinste kern, Lions, mer oongeveer 20. Volges 'n oonderzeuk vaan 't Algemeen Dagblad in 2007 waor Littenseradiel de veiligste gemeinte vaan Nederland.

Littenseradiel is in 1984 oontstande oet sameveuging vaan de aw gemeintes Baarderadeel en Hennaderadeel. 't Ierste jaor stoont 't nog bekind oonder de Nederlandse naom Littenseradeel, meh al in 1985 woort dat veraanderd nao de Friese naom. In 1991 woorte ouch de plaotsnaome eintaoleg Fries. In 2018 woort de gemeinte opgeluf en verdeild oonder de bestoonde gemeintes Leeuwarden en Súdwest-Fryslân en de nui gemeinte Waadhoeke.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Littenseradiel&oldid=431416"