Noveen

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


'n Noveen ies bie de Katholieke 'n gebedsoefening, die neuge daag achterein weurt gehouwte um ein bepaalde guns aaf te sjmeke. 't Betröf dèks 'n vraog um genezing van 'ne ernstig kranke, door familie en bekènde. Ouch de oplossing van 'n groat probleem ies dèks aanleiing. Sóms weurt de noveen gecombineerd mèt 'n baevaart nao 'ne bepaalde heilige. Me lièt ouch dèks 'n noveenkeerts brenne, 'n keerts die neuge daag en nachte brent. 't Woord kump van 't Latiens novem, dat neuge beteikent. Die neuge herinnert waarsjienlik aan 't aantal daag tösje Hemelvaart en Pinkstere.

De Katholieke kèrk haet in de 17e ièw 't houte van 'n noveen gesjtimuleerd door 't te verbinge mèt 't verdene van aaflaote, ('n soort vergeve van zung).

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Noveen&oldid=428431"