Nasaal

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


'ne Nasaal, nasalen occlusief of naasklank is inne fonetiek 'ne mitklinker dae wuuertj gemaak mit e verlieëg verhieëmeldje, wodoor lóch kan vriekómme dore naas. Veurbiljer van nasale zeen [n] en [m], wie inne wäörd naas en móndj. Nasale kómme bao in eder miensjelike spraok veur, al guuef 't 'n inkel oetzunjering. Sómmige spraoke höbbe nag anger vörm aan naasechtige klenk; hiebie sprèk me van nasalisering.

Wie gezag struimp de lóch bie 'ne nasaal dore naas. Ze óntkump aevel neet dore móndj, went dae wuuertj toegehaje dore luppen of de tóng. Waat waal is, is det de móndjhäöldje nag ummer deensduit es 'n waerklanksruumdje wodoor de klank wuuertj versterk.

De meiste nasale zeen stumhöbbendj; feitelik zeen de nasaal klenk [n] en [m] de meis-veurkómmendje klenk inne spraoken oppe werreld. Stumloeaze nasale kómme veur in inkel spraoke, worónger 't Burmees, Welsj en Ieslandjs; in 't Limbörgs kèntj me ze allein es allofone vanne stumhöbbendje nasalen in 'ne stumloeaze kónteks.

Nasale zeen sonorante.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Nasaal&oldid=398535"