Naordpoeal

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De ligking vanne geografische naordpoeal.

De naordpool van 'n planeet is geografisch gezeen 't naordelik sniejpuntj vanne ómdrejjingsas mitte oppervlakdje. Veure aerd ligk puntj inne Naordelike Ieszieë.

De ieëste persoeane die de geografische naordpoeal bereikdje zeeen inne gesjiedsjrieving Robert Edwin Peary, Matthew Henson en veer Inuït, genaamp Ootah, Seegloo, Egingway en Ooqueah, op 6 april 1909.

De aerd haet e magnetisch veldj en spraok is vanne geomagnetische naordpoeal, dae netuurkóndig gezeen oppe aerd 'ne magnetische zuudpoeal is. Aangezeen de richting van 't magnetisch veldj op langer termien ónstabiel is, is de locatie vanne geomagnetische naordpoeal neet vas. In 2010 loog de geomagnetische naordpoeal op 80° 4' 48" NB, 72° 12' 36" WL, kórtbie 't Ellesmere-eilandj. Inne loup vanne gesjiechte is de ligking van 't aerdmagnetisch veldj regelmaesig versjaove vanne geografische naordpoeal nao de geografische zuudpoeal en angesóm. d'n Hook tössen 'n kómpasnaolj (die nao de magnetische zuudpoeal wies) enne plaatselike meridiaan wuuertj declinatie geneump. Inne sjeepvaart wuuertj in plaats 't waord "declinatie" 't waord "variatie" gebroek.

Euveriges valle de magnetische en geografische poeale neet samen oppe zelvendje plaats.

Zuuch ouch[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Naordpoeal&oldid=365060"