Michel Severijns

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Michel Severijns is 'ne Mestreechse politicus en waor de fractieveurzitter vaan de VVD Mestreech in de Mestreechse Gemeinteraod. Daoneve waor Severijns ouch: veurzitter vaan de Businessclub Museum aon de Vriethof. En: 'nen adviseur vaan zelfstandeg oondernömmers. Heer waor ouch 'nen tied plaotsvervaangende veurzitter vaan de Gemeinteraod gewees. In dee rol speulde heer 'n belaangrieke functie in d'n tied vaan de COVID-19-pandemie.[1][2]

Severijns en zien VVD-partij waore tege 't Mestreechs veurstèl vaan 'n milieuzone in 2019. Heer neumde de milieveurstèlle "symboolpolletiek".[3] Dat veurstèl is evels e jaor later toch aongenomme door de Raod.[4]

In 't debat roondum de eventueel gemeintefusie vaan Mestreech en Meerse had de VVD oonder Severijns 'n trökhawwende hawwing. De VVD leet de käös bij de Gemeinte Meerse mer waor, same mèt SP, tege 'ne veurslaag vaan de Raod vaan Meerse um Mestreech 'n "regiegemeinte" te make veur bepaold beleid vaan Meerse. In dat geval zou Mestreech de regie euvernömme op väöl vlaker mer neet op alle. VVD en SP voonde dit gein realistisch idee. Ouch GreunLinks Mestreech oonder Marlise Korsten sloot ziech hei bij aon.[5]

Oonder Severijns bleef VVD veurstender vaan de norm tot zèsteg daog in 't jaor eveneminte op de Vriethof georganiseerd mage weure. Wel steunde Severijns 'ne veurslaag vaan Niels Peeters vaan CDA Mestreech: veur eine kier moos dat weure opgesjroof nao 71 daog in 't jaor 2021. Zoe koste oondernömmers toch weer get trökverdene vaan 't groet verlees wat zie hadde gedreid in d'n tied vaan de COVID-19-pandemie.[6]

Rifferenties[bewirk | brón bewèrke]

  1. [1]
  2. [2]
  3. [3]
  4. [4]
  5. [5]
  6. [6]
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Michel_Severijns&oldid=454744"