Marlise Korsten
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Marlise Korsten, gebore op 7 fibberwarie 1954 in Stad Utrech, is 'n veurmaoleg sjaoldirectrice, 'n politica en waor ouch de fractieveurzitter vaan GreunLinks in de Gemeinteraod vaan Mestreech.
Sinds 2014 waor Korsten al gemeinteraodslid vaan Mestreech. Zie stoond oonder aandere bekind um häör groet veurstäöndersjap veur 't experimentere mèt 't basisinkoume, 't bestrije vaan kinderermooj, 't verbetere vaan sjöldhölpverliening, 't realisere vaan 'n börgerbegroeting in Mestreech, 't verwelkomme vaan vlöchtelinge en 't liberalisere vaan wietbeleid.
Oonder Korsten häör leiersjap woort de vief zedele tèllende fractie vaan GreunLinks in 2018 deil vaan 'n brei coalitie, mèt meh leefs vief aander partije: CDA, Senioren Partij Mestreech, D66, VVD en SP. GreunLinks moch dao-op 'ne wèthawwer prizzentiere binne 't Kolleesj. Dee wèthawwer woort Gert-Jan Krabbendam, dee verantwoordelek woort veur Klimaat en Enerzjie, Ruimteleke Oontwikkling, Mobilitieit en Biestewelzien. Wijers woort Krabbendam oonder Korsten häör fractiesjap d'n daarde locobörgemeister vaan 't nuigevörmp Kolleesj.