Weijerplei

Van Wikipedia
(Doorverweze van Meule van Frankenhof)
Naar navigatie springen Naar zoeken springen
Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Hozelts, as te dit dialek sjpriks.

Boerehoes in Weijerplei

Weijerplei (Nederlands: Weijerweg) ies 'n buurtsjap van Holset in de gemeinte Vaols in 't heuvelland van Zuud Limburg. 't Gehuchske liek in 't zómpetig gebeed van de Zieversbaek, 'n ziebaek van de Selzerbaek.

Volmeule of Frankenhaof[bewirk | brón bewèrke]

Aan dees baek bevingk ziech de monumentaal watermeule de Gouw of Frankenhof, 'n veurmalige volmeule, die in 2008-2009 door de sjtiechting 't Limburgs landsjap gerestaureerd weurt.
De volmeule woort in 1736 geboewd nao aafbraok van 'n ièrder, meh vervalle kopermeule. Twiè kièr, in 1861 en 1877, brende de lakefabriek, die in 't geboew gevestig waor, aaf. Eigenaer waor fabrikant Richard Boventer. Twiè kièr woort 't wir herboewd. De sjpinnerie en dèkkefabriek hele op te besjtoon in 1905. 't Miedde van 't complex woort toen koremeule, 'n ander deil woort boerderie en woonhoes. De pachter waor Chrétien Hubert Leqlerq. Dees familie bleef tot ± 2007 eigenaer van de meule. Bie de de Weijerhaof liegke wiejersj (vieversj).
Op 'ne driejsprunk mèt de holle waeg, berg op de Weijerweg nao Holset, sjteit 'n iezere waegkruus.

 
Gemeinte Vols
Vaan van Vols
Dörper: Hozelt · Lemieësj · Viele · Vols
Buurtsjappe en gehuchte: D'n Esj · Gènzie · Halesj · Komeresj · Kotteze · Awd Lemieësj · Nuuj Lemieësj · Duutsj Lemieësj · Mameles · Mellesjet · D'r Roare · Rot · Volsbroch · Weijerplei · Woofhaag
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Weijerplei&oldid=386277"