Melik en Hèrkebósj

Van Wikipedia
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Hèrkebósjer, es te dit dialek sjpriks.

Melik en Hèrkebósj
(Melick en Herkenbosch)

Gewaeze gemeinte in Nederlandj

Gevörmp ?
Opgehaeve 1993
Opgegange in Roerdale
Provincie Nederlands Limbörg
Hoofplaats Hèrkebósj[1]
Opperflaakde (bie opluffing) 44,51 km²
– daovan water: km²
Inwoeners (kort veur opluffing)
deechde: /km²
Lies van börgemeisters

Melik en Hèrkebósj (Nederlands Melick en Herkenbosch) waor 'n gemeinte in de Nederlandse provincie Limbörg. 't Groetste deil vaan häör bestoon umvatde ze de dörper Melik en Hèrkebósj zoewie dee naobersjap Watersjei. In dee vörm besloog ze 32,29 km²[2][3], boevaan 0,24 km² water waor. Melik en Hèrkebósj, oonder 't ancien regime 'n hierlekheid in 't Amb Wassenberg, woort in 1991 oetgebreid mèt de toen opgelufde gemeinte Vlorp, meh in 1993 besloot me die gemeinte te herneume tot Roerdale. De bei dörper hure nog ummer tot de intösse wijer oetgebreide gemeinte Roerdale.

Historische inwoenertalle[bewirk | brón bewèrke]

Jaor Aontal Greuj (gans Limbörg)
1830 1.157[4] --
1840 1.198[5] +3,5% (+5,6%)
1849 1.299[6] +8,4% (+4,3%)
1859 1.376[7] +5,9% (+4,4%)
1869 1.550[8] +12,6% (+4,5%)
1879 1.743[9] +12,5% (+7,0%)
1889 1.830[10] +5,0% (+6,8%)
1899 2.017[11] +10,2% (+10,2%)
Jaor Aontal Greuj (gans Limbörg)
1909 2.216[12] +9,9% (+17,8%)
1920 2.737[13] +23,5% (+32,6%)
1930 3.027[14] +10,6% (+25,1%)
1947 2.458[15] -18,8% (+24,2%)
1956 3.009[16] +22,4% (+27,3%)
1960 3.343[2] +11,1% (+7,4%)
1971 5.515[3] +65% (+13,9%)
Opmerking

't Aontal inwoeners veur 1971 is aofgeroond op e gans vieftal. Gelèt op 't rillatief klein aontal inwoeners vaan Melik en Hèrkebósj is 't greujciefer daorum neet exakter es in ganse percinte (N.B.: in tiendes zouw 't evegood 65,0% zien).

Rillatief oontwikkeling vaan 1830 tot 1971

(v1830=100)

Greun: Gemeinte Melik en Hèrkebósj
Blauw: Provincie Limbörg

Waope[bewirk | brón bewèrke]

Op 11 september 1931 kraog de gemeinte Melik en Hèrkebósj vaan d'n Hoege Raod vaan Adel e waope touwgekind, wat ziech zoe liet umsjrieve:

Doorsnoje: bove in keel (roed) 'nen dobbelstartege liew vaan zèlver (wit); oonder in zèlver 'n ligkende reek vaan sabel (zwart).

't Waope is gebaseerd op 't aajd zegel vaan de sjepebaank. De liew is vaan de hiere vaan Wassenberg, de reek (hark) is e sprekend elemint veur Hèrkebósj.[17]

Rifferenties[bewirk | brón bewèrke]

  1. Gemeinte Herbósj en Melik in de Gemeinteatlas vaan Kuijper (ind jaore 1860). N.B.: D'n umgekierde naom is deginnege dee 't book gebruuk.
  2. 2,0 2,1 Volkstèlling 1960 - Bevolking vaan gemeintes en oonderdeile vaan gemeintes
  3. 3,0 3,1 Volkstèlling 1971 - Plaotseleke indeiling
  4. Volkstèlling 1830
  5. Volkstèlling 1840 - Limbörg
  6. Volkstèlling 1849 - Hertogdóm Limbörg: gemeintesgewijs indeiling vaan de provincie
  7. Volkstèlling 1859 - Plaotseleke indeiling
  8. Volkstèlling 1859 - Plaotseleke indeiling
  9. Volkstèlling 1879 - Limbörg: plaotseleke indeiling
  10. Volkstèlling 1889 - Limbörg
  11. Volkstèlling 1899 - Limbörg
  12. Volkstèlling 1909 - Plaotseleke indeiling
  13. Volkstèlling 1920 - Plaotseleke indeiling
  14. Volkstèlling 1930 - Plaotseleke indeiling
  15. Volkstèlling 1947 - Plaotseleke indeiling
  16. Woeningtèlling 1956 - Veurnaomste gegeves per gemeinte
  17. Heraldrywiki - Melick en Herkenbosch
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Melik_en_Hèrkebósj&oldid=357251"