Martin Poglajen

Van Wikipedia
Gank nao: navigatie, zeuke

Dit artikel is gesjreve in 't Gelaens. 't Weurt gewaardeerd óm in dit artikel 't Gelaens aan te hauwe of aan te gaeve welk anger dialek gebroek is.


Martin Poglajen (Esse, Duutsjlandj, 28 september 1942) is 'ne veurmalige Nederlandse judoka.

Poglajen naom in 1972 names Nederlandj deil aan de Olympische Sjpele van München wiej dees sjport veur 't eësj op 't program sjtóng. Dao bereikde hae in de gewichsklasse haufzjwaorgewich (pès 95 kilogram) de derde runj, wo-in hae veur de medajjes woort oetgesjakeld door de rus Guram Gogulauri.

Zien groaste succes in zien judocarrière behaolde hae in 1965, wiej hae Europees kampioen woort in de klasse PRO -80 kg. Ein jaor eërder waas hae al tweëde gewore in de aope klasse. Zien groatste succes biej de Waereldkampioensjappe waas ein tweëde plaatsj in 1967 in de middegewichsklasse (80 kg).

Biej de Europese Kampioensjappe veur ploge behaolde hae mèt zien Nederlandse plooggenote drie keër de zilvere medajje (1965, 1969 en 1971).

Eërelies[bewirk | brontekst bewerken]

  • 1964 – 2e biej 't EK, PRO aope klasse
  • 1965 – 1e biej 't EK, PRO -80 kg
  • 1965 – 2e biej 't EK, ploge
  • 1966 – 3e biej 't EK, middegewich 80 kg
  • 1966 – 3e biej 't EK, ploge
  • 1967 – 2e biej 't WK, middegewich 80 kg
  • 1967 – 3e biej 't EK, ploge
  • 1969 – 3e biej 't EK, middegewich 80 kg
  • 1969 – 3e biej 't WK, middegewich 80 kg
  • 1969 – 2e biej 't EK, ploge
  • 1970 – 2e biej 't EK, middegewich 80 kg
  • 1971 – 2e biej 't EK, ploge
  • 1972 – 3e biej 't EK, ploge
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Martin_Poglajen&oldid=349550"