Marcoen

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Marcoen ies de naam van 'ne Katholieke heilige dae es Marculphus veural in Frankriek verièrd weurt. 't Waor 'ne abt in de orde van de Benedictiene. Hie ies hae bekènd ónder de name Marcou of Marcoul. Marcoen woort gebore in Bayeux in 490 en ies gejtorve op 1 mei 558 woanao hae ièrsj woort begrave in Reims, meh daonao in Corbény. Bekènd ies hae veur zien werk in Normandië.

De ouwersj van Marcoen waore van adel. Nao zien preestersjtudie sjtiechde Marcoen 'n kloaster in Valognes nao 't model van Antonius Abt. Hie woort hae de ièrsjte abt. 'n Ander kloaster, mèt nog sjtrenger reigelsj, begoes hae op 't eiland Yersey. Marcoen laefde hièl sober en woort bekènd vanwege wondere die gebeurde rónd zien persoon.

Verièring[bewirk | brón bewèrke]

De heilige weurt, ser de 13e ièw, aangerope veur de keuningskrenkde, 'n soort kropgezjwel (scrofuloze) in de kael. De krenkde kreeg deze naam umdat liejers aan dees krenkde genoze es Franse of Ingelsje keuninge hun nao hun kroaning aanraakde. Die wonderbaarlike geneeskrach woort toegesjreve aan de kèrkelike plechtigheid van de zalving. Alle Franse keuninge, tot en mèt Karel X van Bourbon, ginge nao hun inauguratie de relieke van Marcoen in Corbégny bezeuke. Karel X deeg diet in 1825 veur de lètste kièr. De heilige Marcoen weurt ouch aangerope veur klierkrenkdes, sjtruma, eczeem, blindheid en doufheid.

Marcoen ies de petroan van appetièkersj en lakehandelaere.

De fièsdaag vèlt op 1 mei. O.a. de Martinuskèrk van Welte ies 'n baevaartsoord veur deze heilge. De viering vingk plaats in 'n octaaf.

Kuns[bewirk | brón bewèrke]

In de kuns weurt Marcoen aafgebeeld es 'ne Benedictiener monnik, dae 'ne kranke miensj bie de kael veult.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Marcoen&oldid=437365"