Maon (vis)

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De maon (Squalius cephalus).

De maon (Squalius cephalus of Leuciscus cephalus) is 'ne middelgroeate vis mit 'n speulvorm. Hae behuuertj toete Cyprinidae (karperechtige).

De maon kump in Limbörg ónger anger veur inne Roer enne Maas. De vis stèltj minder hoeag eisjen ane ómgaeving es beveurbeildj de berf of de kómmel. Op plaatse wo dees twieë vissaorten achteroetgaon, geitj de maon döks in aantaal veuroet. Versjillige maotregele die waere genómme veure visstandj op piel te haje zeen: 't zörge veur sjoean waterbäöm inne groeate revere, 't ophöffe van brere bie stoewen en mieë variaasje laoten óntstaon in baomdeepdjes, 't baeter toegenkelik make van baeke die oetmónjen oppe groeate revere, d'n aanlègk van naevegäöle die es opgreujgebiede kónne denen enne zuvering van aafvalwater.

Zuuch ouch[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Maon_(vis)&oldid=363768"