Louis Couperus

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Aan dit artikel weurt de kómmenden tied nog gewirk.
Tot daen tied kan d'n inhaud van 't artikel veurnaam informatie misse of nog neet good in zie verbandj ligke.

Louis Couperus in 1917.

Louis Marie Anne Couperus (D'n Haag, 10 juni 1863 - De Steeg, 16 juli 1923) waor 'ne Nederlandse sjriever en diechter. Zie werk weurt in 't gemein tot 't naturalisme gerekend.

Gebore in gooj femilie, greujde heer op es 'nen dandy mèt ope ouge veur literatuur en (veural antieke) kuns. Nao twie diechbundels die neet väöl indrök maakde publiceerde heer in 1889 de roman Eline Vere, dee häöm in eine kier bekind maakde. Ouch de novelles Noodlot en Extaze woorte good oontvaange, zelfs in 't boeteland. Nao 1900 verplaotsde zien belaankstèlling ziech ummer mie nao de Oriënt en de Klassieke Aajdheid; zien beuk oet deen tied speule ziech dao ouch aof. Heer verbleef jaorelaank in 't boeteland, veural in Italië, en heer sjreef oetgebreide reisverslage die heer in Nederland deeg publicere. Oetindelek dwong d'n Ierste Wereldoorlog häöm weer nao D'n Haag te verhuize. Zie lèste jaor brach 'r door op de Veluwezuim, in e hoes wat zien bewoondereers häöm hadde gekoch.

Couperus, dee bij leve oetgebreid bekroend waor en es de veurnaomste literair groetheid vaan Nederland woort gezeen, raakde nao zienen doed snel oet de mode. Ziene stilistischen euverdaod pasde neet in de tiedgeis, dee soberheid en helderheid vereisde. Nao 1960 kaom heer weer mie in de belaankstèlling en beleefde zien beuk nui herdrökke. 'n Wetensjappeleke editie vaan zie compleet werk versjeen tösse 1987 en 1996. Heer weurt algemein gezeen es eine vaan de groetste sjrievers die de Nederlandse literatuur oets heet gekind.