Lies vaan musicologe

Van Wikipedia
Naar navigatie springen Naar zoeken springen
Dees lies is incompleet. Geer kènt Wikipedia helpe door ze aan te völle.

Dit is 'n lies vaan musicologe, dat wèlt zègke gelierde die ziech höbbe bezeggehawwe mèt meziekwetensjap.

Naom Leve Umsjrieving
Carolyn Abbate * 1956 Amerikaanse, maakde naam mèt studie nao veural de negentienden-iewsen opera, dee ze mèt behölp vaan versjèllende aander disciplines oonderzoch.
Guido Adler 1855 - 1941 Oosterieker, woort in Wene d'n ierste professor in de meziekwetensjap.
Theodor W. Adorno 1903 - 1969 Duitse meziekfilosoof, lid vaan de Frankfurter Sjaol. Zien oetgesproke elitaristische ideeë euver Nuie Meziek waore vaan groeten invlood.
Charles Burney 1726 - 1814 Brit, oteur vaan ein vaan de ierste groete meziekgesjiedenisse.
Albert Clement * 1962 Nederlander, gespecialiseerd in 't werk vaan Johann Sebastian Bach.
Barry Cooper * 1949 Brit, gespecialiseerd in Beethoven.
Carl Dahlhaus 1928 - 1989 (Wes-)Duitser, oteur vaan e zier umvaankriek oeuvre in väöl versjèllende deildisciplines.
Thea Derks * 1953 Nederlandse, gespecialiseerd in Nuie Meziek en vrouweleke componiste. Maakde in 2014 naom mèt 'n biografie vaan Reinbert de Leeuw.
Otto Erich Deutsch 1883 - 1967 Oosterieker, bekind gewore door ziene catalogus vaan 't werk vaan Franz Schubert.
Alfred Einstein 1880 - 1952 Duitser, later Amerikaon, sjreef 'n zier invloodrieke biografie euver Wolfgang Amadeus Mozart. Neef vaan natuurkundege Albert Einstein.
Paul van Emmerik * 1957 Nederlander, otoriteit in de meziek vaan John Cage.
Marius Flothuis 1914 - 2001 Nederlander, gespecialiseerd in 't werk vaan Mozart. Ouch componis.
Johann Nikolaus Forkel 1749 - 1818 Duitser, oteur vaan d'n ierste biografie vaan Johann Sebastian Bach.
Louis Grijp 1954 - 2016 Nederlander, gespecialiseerd in de leedcultuur vaan zie land. Brach es luitspeuler en ensembleleier väöl vaan dat werk ouch op plaat oet.
Donald Jay Grout 1902 - 1987 Amerikaan, gespecialiseerd in opera meh veural bekind vaan 't väölgebruuk eindeileg standaardwerk A History of Western Music.
George Grove 1820 - 1900 Brit, inzjenieur en amateur-musicoloog, gaof de ierste editie oet vaan 'n meziekencyclopedie die allewijl es otoritair gelt.
Jacques Handschin 1886 - 1955 Zwitser, neve musicoloog ouch organis, deeg (oonder väöl mie) oonderzeuk nao meziekpsychologie.
Ludwig von Köchel 1800 - 1877 Oosterieker, eine vaan de ierste dee ziech kritisch mèt meziekbronnenoonderzeuk bezegheel; oonderzoch 't werk vaan Wolfgang Amadeus Mozart en stèlde de Köchels Verzeichnis en de Alte Mozart-Ausgabe same.
Susan McClary * 1946 Amerikaanse, maakde naom door es ein vaan de ierste op groete sjaol hermeneutiek touw te passe en vaanoet feministischen hook te interpretere.
Lutgard Mutsaers * 1953 Nederlandse, ein vaan de ierste die ziech in Nederland wetensjappelek mèt popmeziek bezeghele. Sjreef versjèllende monografieë euver 'vergete' meziekgenres. Zelf bassiste in The Broads.
Claude V. Palisca 1921 - 2001 Amerikaan, co-auteur vaan Grout in zien later edities vaan A History of Western Music.
Leon Plantinga ? Amerikaan, gespecialiseerd in de romantiek.
Hugo Riemann 1849 - 1919 Pruus, zoewel meziektheoreticus es sjriever vaan 'n gezaghöbbende meziekhistorie.
H.C. Robbins Landon 1924 - 2009 Amerikaan, gespecialiseerd in de klassieke meziek in inge zin (twieden hèlf achtienden iew).
Charles Rosen 1927 - 2012 Amerikaan, pioneer in 't oonderzeuk nao 't rococo daan wel de preklassieke meziek. Ouch pianis.
Alex Ross * 1968 Amerikaon, veural meziekcriticus meh bekind gewore door e paar op e groet pebliek geriechde meh good oonderbouwde beuk.
Heinrich Schenker 1868 - 1935 Oosterieker, bekind gewore door zien allesumvattende 'Schenker-analyse', die vaan groeten invlood is gewees.
Wolfgang Schmieder 1901 - 1990 Duitser, stèlde de Bachs Werke-Verzeichnis (BWV) same, de catalogus boe-in alle werke vaan Johann Sebastian Bach e nommer krege.
Maynard Solomon 1930 - 2020 Amerikaan dee in zien werk euver Beethoven en Mozart musicologisch inziech mèt psychologisch werk combineerde.
Albert Schweitzer 1875 - 1965 Duitser, veural bekind es dokter in Gabon en in mindere maot en organis, verzörgde versjèllende kritische oetgaves vaan Bach zien örgelwerk.
Richard Taruskin * 1945 Amerikaan, gespecialiseerd in Russische meziek meh zier bekind gewore mèt de viefdeilege The Oxford History of Western Music.
Donald Tovey 1875 - 1940 Brit, veural bekind gewore door deepgaonde analyses vaan alderlei soorte meziek.
Peter Wicke * 1951 (Oos-)Duitser, pioneer in 't oonderzeuk nao popmeziek.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Lies_vaan_musicologe&oldid=445449"