Langedijk
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Langedijk (Wesfries: Langedoik) is 'n geweze gemeinte in de Nederlandse provincie Noord-Holland, in Wesfriesland, mèt (1 juli 2006) 25.960 inwoeners en 'n oppervlak vaan 26,99 km2 (daovaan 0,83 km2 water). Langedijk umvat de dörper Broek op Langedijk, Koedijk (gedeiltelek), Noord-Scharwoude, Oudkarspel, Sint Pancras en Zuid-Scharwoude (raodhoes).
Langedijk vörmp mèt Alkmaar en Heerhugowaard 'n klein agglomeratie. De gemeinte waor tot voor kort evels hiel lendelek en steit nog ummer bekind um de brei slote mèt klein stökskes wei detösse. Op 1 jannewarie 2022 gaon Heerhugowaard en Langedijk op in ein gezaomelek gemeinte: Dijk en Waard.
Historie
[bewirk | brón bewèrke]Al in d'n tied vaan graof Dirk II (gestorve 988) waor 't gebeed Hollands eigedóm. Heer doneerden 't gebeed aon de abdij vaan Egmond. In deen tied bestoont allein 't dörp Sint Pancras, wat toen Vroonen hètde. In 1297 woort bij 'ne vrijheidsoorlog vaan de Wesfrieze Vroonen gans verweus. In de volgende iewe bleef 't evels rösteg en Langedijk oontwikkelde ziech tot e welvaorend gewes. In 1415 kraog 't stadsrechte, vergliekbaar mèt die vaan Stede Broec: de dörper op ziech hadde gein privileges meh 't gans gebeed es einheid wel. Nao de Middeliewe desintegreerde dees einheid, tot in 1941 de aw gemeintes Broek op Langedijk, Oudkarspel en Noord- en Zuid-Scharwoude tot de nui gemeinte Langedijk woorte samegeveug. In 1990 kraog die gemeinte ouch nog Sint Pancras en 't groetste deil vaan Koedijk debij.