Lóch

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Mit loch wuuertj 't gaasmingsel gemèndj inne ungelste laoge vannen dampkrink.

Samestèlling[bewirk | brón bewèrke]

De lóch oppe aerd besteitj veur zoeaget 78% oet stikstofgaas en 21% oet zoerstofgaas. Daonaeve (resterendj 1%) bevatj lóch spaore van aedelgase, 'n sterk wusselendje wieväölheid waterdamp (0,7%) en kaolstofgaas, det ouch in wieväölheid sterk kan wussele. Inne boetelóch waas de wieväölheid kaolstofdioxied óngevieër 0,03%, binnen 'n weuning kan dit, wen d'r gestaok of gekaok wuuertj, väöl hoeager zeen. Door hoeager weltwiej concentraties versterk dit gaas 't breujkaseffèk oppe aerd. Saere industrieel revolutie is de concentratie toegenómme van óngevieër 0,03% nao noe bao 0,04% (óngeveer 395 ppmv).

De samestèlling vanne lóch varieertj mitte huuegdje. Ómdet stikstof (massagetal 14) minder waog es zoerstof (massagetal 16) is op groeater huuefdje verhajingsgewies minder zoerstof aanwaezig.

Druueg lóch (die dus weining waterdamp bevatj) is 'nen hieël goje wurmdjeisolater en haet ouch 'n lieëg wurmdjecapaciteit. Daoróm wuuertj druueg lóch gebroek in döbbel glaas veur 't isolere van geboewe.

Ómgaeve door druueg lóch kan 'ne miens den ouch de hieël hoeag temperaturen in 'ne sauna doorstaon. De persoean geitj waal hieël sterk zweite, meh doordet 't zweit inne druueg, heite lóch snel verdamp keultj de hoed aaf en wuuertj de persoean neet snel euververhit.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Lóch&oldid=371887"