Krók

Van Wikipedia
Naar navigatie springen Jump to search
Krók of kaorevlam.

Dit artikel is begós in 't Mofers. Laes hie wie v'r mit de versjillende saorte Limburgs ómgaon.


Krók, op 't Mofers meistes kaorevlam (Agrostemma githago) is 'n plantj oete anjerfemielje (Caryophyllaceae). De saort is in Nederlandj hieël zeldjzaam en sterk aafgenómmen in aantaal. Van netuur kump ze in Nederlandj veur in 't reveergebied, Twente en in Zuud-Limbörg. Krók wuuertj ouch in einjäörige bloomsweijen oetgezejdj en gekwieëk is sierhäöf.

Krók is 'n einjäörige plantj die 20 toet 100 cm hoeag wuuertj, spaerpuntjvörmige blajer haet en weik-behaordj toet viltjig is. Krók bleutj van junie toet julie mit alleinstäöndje, lankgesteeldje, deepraos toet paarsroeaj blome. De kelch is roew-behaordj enne kelchblajer zeen puntjig en langer es de kroeanblajer. De blome zeen twieëgeslechtig. Tródsdet de ganse plantj vergiftig is, zeen de duusterkluuerige zäöj 't giftigste. Ieëre woorte dees mitgeougs en bie te min zuvering mitgemaole, wodoor 't kaoremael vergiftig woort en dore saponine dao-in kós leie toet maag- en dermperbleme.

Krók kump veur op löss en zenjetige klei en greutj tössen 't kaore, veural tösse rögke en wiejer op braakgrunj. De plantj is vrie slap en haet steun nuuedig vanne kaoreplantje. Ieëre waas 't 'n algemein-veurkómmendj kaorenónkroed.

Anger name[bewirk | brón bewèrke]

Op 't plat kintj dees plantj väöl versjillige name, worónger: krök(kebloom), christusoug, orgeloug, steeknaeske en mögkebloom.[1]

Taxonomie[bewirk | brón bewèrke]

Zuuch ouch[bewirk | brón bewèrke]

Brón[bewirk | brón bewèrke]

  1. Woordenboek van de Limburgse Dialecten III: 4.3, Flora.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Krók&oldid=415940"