Kelch (bloom)

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


De kelch van 'n krókbloom (Agrostemma githago).
De echte lampionplantj (Physalis alkekengi) haet 'n oetgegreudje, fel-gekluuerdje kelch.

De kelch of kelk (calyx) is de boetelste krants van 'n bloom en steit ingepaotj oppe bleujbaom. De kelchblajer (sepale) kónne zeen vergreudj en zoea 'n kelchbuus vörme, wie bie 'n aubergine. Aevel kan de kelch ouch gans óntbraeke.

Meistes haet de kelch 'n gruuen kluuer, meh det hoof neet ummer. Zoea is die wit bieje bósbótterbloom en haet 'n tulp hieël väöl versjillige kluuermuuegelikheje.

Ane kelch kan sómtieds e spaor zitte det meistes mit nekter is gevöldj,

Sómtieds guuef 't 'n biekelch (epicalyx), 'n krants van kelchechtige blaedjes die aevel neet toete kelch behuuertj. E veurbild hievan is de biekelch van 't muskuskieëskeskroed (Malva moschata), die besteit oet drie lien- toet spaerpuntjvörmige blajer.

Twieëzaodlobbige höbbe veer toet vief kelchblajer en einzaodlobbige drie of e väölvaad daovan.

Kómkómmerkroed (Borago officinalis) haet häörige kelchblaedjes.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kelch_(bloom)&oldid=417337"