Knouppunt Zaarderheike
Dit artikel is gesjreve (of begós) in 't Blieriks. Laes hie wie v'r mit de versjillende saorte Limburgs ómgaon.
Knouppunt Zaarderheike is 'n knouppunt in Nederlands Limburg, ten naordweste van Blierik. D'n A73 kruus heej d'n A67. 't Knouppunt is oetgeveurd es klieëblaad. Öm de doorveurcapaciteit van 't verkier in doorgaonde richtinge te vergroeëte, is 't veurzeen van rangeerbane.
Naamgaeving
[bewirk | brón bewèrke]'t Knouppunt is verneump gewaore nao 't gehöch Zaarderheike, det get westeliker in 'n bedriefsterrein leejt. Ouk 't aangrenzend naoldholtbós hit zoeë.[1] Vreuger goof 't ouk nog stökke hei aan de naordoeëskant, mer 't neteurgebeed haet dao plaatsgemak veur 't bedriefsterrein Trade Port.
Geschiedenis
[bewirk | brón bewèrke]In 1956 woort 'n tracébesloet genaome öm de ganse riekswaeg 67 aan te legge van 't Bels nao Pruses. Op 17 oktober 1970 woort 't deil tösse Helde en Venlo as letste geäöpend. Op det moment äöpende ouk de provinciale waeg tösse Grevórs en Blierik, dae later genómmerd zou waere es de N273. Zoeë óntstóng 't knouppunt. D'n A73 waas pas van doorgaond belank in 1996, wie 't deil tösse Venroj en Grevórs geäöpend woort. D'rveur waas de waeg gewoeën 'nen aafrit, verbónge mèt de provinciale waeg. In 2015 woorte de rangeerbane nao twieë straoke oetgebreid.
Verkiersintensiteite
[bewirk | brón bewèrke]| Waeg | trajek | int. 2006 | int. 2012 | int. 2014 |
|---|---|---|---|---|
| A67 | Venlo-8000-9000 -  Zaarderheike |
52.400 | 58.800 | 56.800 |
| A67 | Zaarderheike - Velde |
64.700 | 72.600 | 57.100 |
| A73 | Grevors - Zaarderheike |
51.700 | 61.200 | 64.900 |
| A73 | Zaarderheike - Blierik |
38.500 | 57.700 | 74.500 |