Kesjteël Karsveld

Van Wikipedia
Naar navigatie springen Naar zoeken springen
Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Gulpesj, as te dit dialek sjpriks.

Kesjteël Karsveld

Kesjteël Karsveld ligk ten zuje van Gulpe aan de Sjlenakerwaeg in ’t gehuch Waterop tösje de gehuchte Öäverem en Böätenake in de Nederlands Limburgse gemeinte Gulpe-Wittem.

Besjrieving van 't kesjteël[bewirk | brón bewèrke]

't Hujige geboew sjtamt oet ómsjtreeks 1900 en is 'n in neorenaissancesjtiel geboewd heërehoes mèt trapgevels, wotösje 'n zadeldaak. In 't geboew bevèndje zich restante oet de 15e en 16e-eëuw, opgetrokke oet breuksjtein wat hergebruuk wirt van 't in 1795 aafgebrende kesjteël. De fundamente en 't óngersjte deil van 't kesjteël zint restante van 'n 12e-eëuwse börch. In de kelder bevènje zich deile van 'n gebeeldhouwde sjouw oet ómsjtreeks 1725. De bie 't kesjteël gelaege 19e-eëuwse gesjlaote haof Karsveld mèt sjloetsjtein "1819" beheuërde oarsjprónkelik bie 't kesjteël.

Gesjiedenis en beweuners[bewirk | brón bewèrke]

De naam van 't kesjteël is aafgeleid van ziene eësjte beweuner in de 14e-eëuw, 'n lid van de Aokese sjepebank geneump Lewe van Carsvoirt, dae 't in broekleën hèj van 't Sint Servaaskapittel in Mesjtreech. Dit kapittel hèj dit kesjteël ieërder al es gesjenk óntvange van de Duutsje Keizer Conrad. Aan 't ènj van de 13e eëuw woort de femielie van Carsvoirt opgevolg door de femielie Van den Hove die 't kesjteëlke drie eëuwe lang bewoonde, wobie 't van vader op zoon euverging. ’t Begoosj mèt jonker Andries van de Hove in 1407, dae de eësjte bewoner waas en einjigde mèt Herman van den Hove, van we de dochter trouwde mèt Frans Dammarier, in dae tied börgemeister van Mesjtreech. In 1710 woort 't kesjteël door 't Sint Servaaskapittel, dat nog sjteeds eigenaer waas, verkoch 't aan Willem Scherbach oet Mesjtreech, en dae verkoch ’t weer door aan graaf Joseph van Goltstein. Naodat 't kesjteël in korte tied nog ènnige keëre van eigenaer verwisselde, kaom 't rondj 1850 in bezit van de femielie Lenaerts, die 't pès 1960 beweunde.

't Kesjteël woort zoawaal in 1795 es ouch in 1931 door brandj verwoes, mèr allebei de keëre woort 't weer herboewd in de oarsjprónkelike sjtaat en ingerich nao de toen gèljende maotsjtave. Allewiel is 't privé bezit.

Bron[bewirk | brón bewèrke]

  • Euvergezat oet Wiki nl.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kesjteël_Karsveld&oldid=403919"