Kroeboet

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Kroeboet of balkebrie (Nederlands: balkenbrij, Bergsj: panhas of kröppels)) is 'n ieëwenaad vleisgerech oet Limburg, Braobantj, Wesfale, 't Bergsje laand en 't Linksriensje Rienlandj . Van vreugeroet wuuertj 't gemaak van 't gehing: de aetbaar ingewenj van e verke; en wiejer bokesmael (mael van bokendj) en speciaal kruje: sókker, besjaot, anies, kenieël, gróffelsnagel, paeper, foelie en gember. De origineel Limburgse variant wuuertj op smaak gemaak mit verkesblood. Hiedoor krieg 't zien zwarte kluuer es 't gebakken is.

't Kump meistes in 'ne rechheukige blok, dae in plekskes gesni-jjen wuuertj van óngevieër 'ne centimaeter diek die alik gebakke waere. 't Wuuertj dök gebakke mit sjiefkes appel. Ouch wuuertj 't waal opgedeendj mit appelemoos of op broead mit zeem.

't Wuuertj väöl smorges vreug gaete of tösse de middig.

Weiteswaerdighede

Es se Berg in alle vreugdje in fietsdjes, rook 't bekans edere morge nao kroeboet.
De stökskes spek in kroeboet waeren op sómmige plaatse: "heiligendaag" geneump.