Euverlèk:Kroeboet

Is dit neet 't zelfde es bloodwurs? - Pahles | zègk 't mer 24 jan 2010 12:10 (CET)[reageren]

Nein, 't is toch weer gans get anges eigelik. Al höbbe die väöl ingrediënte gemein jao. Meh kroeboet is gein wós mer 'ne meistes rechheukige blok, gesni-jjen in plekskes van 'ne centimaeter óngevieër die alik gebakke waere (veur zoeawied ze neet oeterein valle).

In Kreboet zèt bokend (boekweitmeel); in poetes neet en dat is 't versjèl, neet de vörm oeë in 't gerech bewaard wert.--Mergelsberg 25 jan 2010 13:00 (CET)[reageren]

Balkebrie weurt dèks verwiesseld mèt bloodwoorsj meh ies neet ’t zelfde. ’t Ies ouch ’n regionaal recep in Zuud-Nederland en samegesjtèld oet gekook sjlachaafval (sóms blood) van ’t verke o.a. de kop, ruubkes, sjpek en lever were gebruuk. Es de ruubkes, same mèt laurierblaad, un, peper en knoflook, tot bouillon gaar zint gekook weurt alles door ’n zie euvergesjot in ’ne andere ketel.’t Vleisj weurt van de kneuk aafgehaold en truuk in de bouillon gedoon. Um ’t miè sjmaak te geve kump d’r väöl kroed en specerieje bie zoa-es: soekker, besjaot, anies, kenièl, groeffelsnagel, peper, foelie en gember. Vervolges weurt d‘r zoaväöl bloom van terf of boekweitmael toegevoog, dat nao flink reure d’r ‘ne flinke brie óntsjteit. In ’n naat gemaakde sjotel maog ’t naosjtolle in de ieskas. Balkebrie weurt, meistal, verkoch es ‘ne blok. Me bak ’t ouch in sjieve van 1 cm diek. ’t Woord balkebrie ies ’n samesjtèlling van balk (balk ies Oud-Nederlands veur boek) en brie (brij). Ander dialekname zint kroepoet, kroeboet, pannaasj en poelewans. (oet: sjtökske plat 2010 in Heuvelland-Trompetter van twiè weke geleje, van Els Diederen)--Aelske 25 jan 2010 14:21 (CET)[reageren]

Dat van dae boekweit (ech get mieë noordelekers, ooch óp 't Belsj) wis 'ch eges nog mae bie naosjlaag in de bib zeen 'ch dat dit sjtukske va Els Diederen inhoudelek ooch te laeze is in "Limburgs op de kaart" van Wil en Netty Engels-Geurts. 't Zów tóch netjes zieë öm die name dan ooch te neume in d'r Trómpetter. Hie sjrieft dat blaedsje Mergelsbach es 8ste óp de PvdA-lies. Me haat vrun bie de media of me haat ze neet. Tja!--Mergelsberg 25 jan 2010 19:40 (CET)[reageren]

De bronne veur dit sjtök waore van miechzelf (väöl Limburgse recepte zint miech ouch bekènd) en wiejer hièl divers meh neet die dies diech neums. Dat zoaget 't zelfde zou sjtoon in "Limburgs op de kaart", dat höb iech neet geweite, dus dan kèn en hoof iech 't ouch neet d'rbie te zètte! En de opmerking daonao sjnap iech neet...--Aelske 25 jan 2010 19:59 (CET)[reageren]

Limbörgs... of toch neet zoe?

Iech vraog miech aof of de kroeboet, balkebrij etc. wel beperk is tot Limbörg, Braobant en 't Rienland. In de Nedersaksische provincies gelt 't ouch es e streekgerech, en in Wes-Nederland is 't ouch neet oonbekind, entans neet op 't platteland. Steunt dees bewering op bronne of is 't neet mier es 'n persoenleke observatie? ⵙⵜⴰⵢⵏⴱⴰⵅ 5 nov 2011 14:36 (CET)[reageren]

't Sjientj ouch in Drenthe en Twente veur te kómme volges de Nederlandjse wikibeuk. --OosWesThoesBes (euverlègk) 7 jul 2017 10:40 (CEST)[reageren]