Karolos Papoulias

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Karolos Papoulias (Grieks alfabet: Κάρολος Παπούλιας) (1929-2021), waor 'ne Griekse politicus. Heer waor de prizzedent vaan Griekeland, in de periood 2009 tot 2011. Heer is in Ioannina, Epirus gebore, 4 juni 1929.

Jäög

Vaan zien jäög es kind is neet väöl bekind, wel tot heer in d'n Twiede Wereldoorlog in 't verzat zaot en in Italië zoeväöl meugelek Joede veileg nao Spanje perbeerde te sjikke. Nao deen oorlog is heer rechte goon studere in Athene, Münche en Kölle.

Polletieke historie

In 1974 riechde heer same mèt aander lui de PASOK (ΠΑΣΟΚ) op. Evels waor heer toen nog neet, zoewie allewijl, de leier vaan dees partij. In 1981 lökden 't de PASOK de winnende partij te weure in de Griekse verkezinge. Andreas Papandreou woort minister vaan boetelandse zake, heer woort Papandreou's oonderminister. Wie de PASOK veer jaor later obbenuits woort verkoze, woort Papoúlias minister. In dit twiede kabinet waor Papoúlias ein vaan de manslui dee deveur zörgde tot Albanië 'n apaart land woort en dus neet mie oonder Griekeland veel. Väöl Grieke waore 't dao gaar neet mèt ins, evels greujde zien populariteit ummer mie en weurt heer nog ummertouw wie 'nen held gezeen in Albanië. Nao tot Griekeland 'nen tied 'n regering had zoonder de PASOK, woort de partij obbenuits de groetste in 't jaor 1993. Ouch woort Papoúlias obbenuits minister vaan boetelandse zake. Heinao veel evels 't kabinet. In 2005 waor de PASOK weer aon de mach en woort Papoúlias aongeweze es prizzedent (dat geit dus zjus wie in Duitsland, indirek demokratisch, via de allewijle premier) en wie 't in 2009 herkoze woort, bleef Papoúlias prizzedent vaan Griekeland. Door de Europees-Ikkenomische crisies in de EU en mèt naome in Griekeland, moos Papandreou es d'n ierste premier in viefteg jaor aofstappe, door te väöl chaos in 't laand en zien regiering. Papoulias kraog daorum 'ne belaangrieke rol oonder de regiering vaan Papandreou, de euvergengsregiering (ouch al waor de PASOK in dees regiering gein deel oetmakenterend vaan de coalitie, de nui coalitie wilde Papoulias es prizzedent behawwe) en de latere regiering vaan Andonis Samaras. Doordat Samaras' kabinèt oetindelek 't d'r neet euvereins woort of Papoulias prizzedent moos blieve en zoe nein, wee daan wel, veel dees regiering. Vaanaof 2015 is Papoulias prizzedent vaan 't kabinèt vaan de nuie premier vaan Griekeland: Alexis Tsipras, leijer vaan de linkse SYRIZA.