Jordaan
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
De Jordaan (Hebreeuws: נהר הירדן, nhar hajarden; Arabisch: نهر الأردن, nahr aloerdoen) is 'n reveer in 't Midden-Oeaste die door 't Jordaandaal door 't Maer van Tiberias nao de Doeaj Zieë stroump. De drie brónrevere vanne Jordaan zeen de Dan, de Banias en de Hasbani. Op 't drielanjepuntj van Syrië, Jordanië en Israël mundj ouch de Jarmoek in de Jordaan oet.
De Jordaan vörp staotkundig oppe Golanvlakdje de grens tössen Israël en Syrië, en in 't oeaste vörmp t'r de grens van Israël enne Palestiense Wèstelike Jordaankantj mit Jordanië. In anger deiler behuuere de bèdskantjen aan Israël.
Hemelsbreid is de lingdje vanne reveer zoeaget 170 km, meh door 't meandere vanne luip is de feitelike lingdje väöl grótter, dinkelik tösse de 330 en 400 km.
Allewiel wuuert 70 toet 90% van 't water vanne reveer d'roet gehaoldj veur miensjelike aktiviteite, wodoor 't debiet vanne reveer sterk aafgenómmen is. Dit versneltj 't opdruuege vanne Doeaj Zieë, waat tol tieëndoezjende jaore gäöndje waas dore netuurlike negatieve waterstandj (wateraanveuring taenge verdamping). De Doeaj Zieë is hiedoor ein vanne leegs-gelaenge maere vanne werreld.