Doeaj Zieë

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


E satellietbild vanne Doeaj Zieë.

De Doeaj Zieë (Hibrieëfs: ים המלח) is 'n ingeslaote binnezieë en 't lieëgs-gelaenge maer oppe werreld. Ze ligk inne Arava-vallei, 'n óngerdeil vanne breukzaon die löp van 't Maer van Tiberias toet en mitte Roeaj Zieë. De naam Doeaj Zieë verwies nao 't feit det bao gein laevendje bieëster inne zieë zitte. De ziejkantje vanne Doeaj Zieë ligke zoeaget 400 m ónger zieëspegel. De wateroppervlakdje is 1.020 km². De Doeaj Zieë wuuertj ómgaeve door Israël, de Wèsoever en Jordanië.

't Water van 't maer kan door 't lieëg waterspegel neet ewegstruime nao de aope zieë. 't Instruimendje water verdamp gooddeils en daodoor wuuertj 't maer e depot van zaltje. De kóncentraasje van zaltj is mit 33% zoea hoeag det 'ne miens sónger meudje kan blieve drieven in 't water. Wiejer wuuertj gezag det 'n kuur inne Doeaj Zieë heilzaam is veur bepaoldje hoedaandeuninge, wie psoriasis.

Door ónttrèkking van water oete Jordaan is 't spegel van 't maer de litste decennia ummer wiejer gedaaldj, zoeadet e middestök is druueggevallen en in feit e naordelik en e zudelik maer is óntstange.

Inkel plaatse die aan of inne buurt vanne Doeaj Zieë ligke zeen Qumran, Ein Gedi en Massada.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Doeaj_Zieë&oldid=418514"