James Watt

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


James Watt.

James Watt waas 'ne Sjotse ingenieur, gebaoren op 16 jannewarie 1736 te Greenock, Sjotlandj, en gestórven op 19 augustus 1819 te Heathfield, Ingelandj.

James Watt wuuertj besjoewdj es d'n oetvinjer van 't stoummesjien. Veur zienen tied wore waal poeaginge gedaon van ónger anger Thomas Savery en Thomas Newcomen veur mit stoum nöttig wirk te verrichte, meh dees vreug mesjiender hawwe mer eine cilinder en 'n efficiëntie van minder es ei percent. Dit lèdje mieë toet verspilling van brandjstof es toet einige nöttige prestatie. James Watt zoog in det e wirkzaam mesjien neet allein verhitting, mer ouch keuling vereisdje. Hae verbónj 'nen twieëdje condensorcilinder aan zien apparaat die d'r gekeuldj heel enne efficiëntie spróng op nao 8%. Mit later verbaeteringe haoldj d'r oetènjelik 19% en daomit haw d'r e wirkendj stoummesjien womit t'r de Industrieel Revolutie bewirkstèlligdje, die 't laeve vanne miens oppe aerd aanzeenlik verangerdj haet.

Vanoet e weitesjappelik ougpuntj waas in zienen tied zie wirk neet good te verstaon, mer 'n later analyse door luuj wie Sadi Carnot en Benoit Clapeyron van zienen empirischen triomf lag de gróndjslaag veure thermodynamica.

Later woort de einheid van vermoeage in 't SI-systeem nao dem verneump:

1 Watt = 1 Joule/sekónd.

('n gleujlamp van 60W verbruuk dus 60 Joule de sekónd.)

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=James_Watt&oldid=406273"