Jakarta

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Collaasj vaan diverse bezunder gebouwe in Jakarta.

Jakarta (tot 1972, en noe nog wel in 't Nederlands, Djakarta) is de hoofstad vaan Indonesië. Ze ligk in 't weste vaan 't eiland Java, kortbij zie. De Bezunder Hoofstadregio Jakarta (Indonesisch: Daerah Khusus Ibu Kota Jakarta) umvat 'n oppervlaakde vaan 664 km² en 'n bevolking vaan mie es tien mieljoen lui. De stad domineert 't land op politiek, cultureel en economisch gebeed. Jakarta woort volgens de euverlievering in 397 gestiech es Sunda Kelapa, residentie vaan Tarumanagara. De jaortalle zien neet te verifiëre meh 't bestoon vaan dit riek liet ziech aon de haand vaan inscripties en Chinese almanakke wel aontuine. In 1527 oonderworp 't sultanaot Demak de stad en herneumde ze tot Jayakarta. In dezelfden iew kaome de ierste Portugese, Ingelse en Hollandse sjeper in 't gebeed aon. Vaanaof 1619 waore de Hollenders hier en meister; de res vaan de koloniaolen tied hètde de stad Batavia. De stad greujde oonder Nederlands bewind tot mie es 'n haaf mieljoen inwoeners. In 1946 herduipde de Indonesische nationaliste de stad in Djakarta. Sindsdeen heet de stad constant immigratie vaanoet de res vaan 't land gekind.


Wiki letter w.svg  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Jakarta&oldid=408782"