Il-62 Classic

Van Wikipedia

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.


'ne IL-62M van Air Korio

De IL-62 is 't eerste Russische vleegtuug mit ein intercontinentaal vleegbereik. 't Vleegtuug liektj sjterk op'pe Britse VC-10 van Vickers. Allebei de toesjtelle höbbe de motors neet aan'ne vleugels hange wodoor 't vleegtuug minder lochweersjtandj haetj en dus sjneller kan vleege.

De Gesjiedenis[bewirk | brón bewèrke]

In januari 1963 waerdje begos mit 't teste en certificere van'ne IL-62 Classic. Veer jaor later, op 10 meert 1967, waas de eerste Classic in 't netwerk van Aeroflot opgenomme. D'r waerdje van'ne Il-62 versjillendje versies ontworpe. De belangriekste versie waas de IL-62MK. Dit type haaj nuuj motorgondels en eine extra brandjsjtoftank in'ne sjtert wodoor ein groter vleegbereik waerdje gecreëerdj. De cockpit van'ne IL-62 waas destieds vriej modern. De cockpit waerdje meerdere kere verbaeterdj maar bleef plaats beeje aan vief persone: piloot, copiloot, navigator, marconist en baordwerktuigkundige.

Technische gegaeves Il-62M[bewirk | brón bewèrke]

Lengte: 53,12 m.

Breidte: 43,2 m.

Heugte: 12,35 m.

Kruutssjnelheid: 900 km/u

Vleegbereik: 8000 km.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Il-62_Classic&oldid=344049"