Copiloot

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Oeals. Laes hie wie v'r mit de versjillende saorte Limburgs ómgaon.


Neet allein de gezagveurder, ofwaal piloot, zitj in'ne cockpit van 't vleegtuug. Ouch de copiloot, ouch waal eerste officeer of tweede vleeger genumpdj, bevindj zich in 't "hoogste kantoor". Hae zitj op'pe rechse sjtool in'ne cockpit, maar in eine helikopter zit hae/zie juus op'pe linkse sjtool.

De tweede vleeger numptj, saame mit de gezagveurder de belangriekste besjlissinge. Es de captain, om waat veur raeje den ouch, neet meer in sjtaot is 't vleegtuug te besjtuure, numptj de copiloot zien taak euver. In grote vleegtuuge bevindj zich ouch nog eine tweede officeer, dae dan tiedelik de rang van tweede vleeger (eerste officeer, copiloot) kriegtj.

Ondanks det de gezagveurder 't vleegtuug besjtuurdj, zal hae/zie dit nooit twee keer op ein vluch mooge doon. Tiedes ein retourvluch bös se óf vleeger, óf assistent. Zo doon allebei de vleegers aeveväöl ervaring op. Euver 't algemein kin se zegke det de vleeger de taak "pilot flying" haetj en de assistent de taak "pilot monitoring". Wanneer de rolle waere omgedrejdj, blief de gezagveurder verantjwaordelik veur de veiligheid. Hae/zie moog daorom anger besjlissinge numme dan de copiloot.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Copiloot&oldid=351564"