Hugleikur Dagsson

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Hugleikur Dagsson op de Bokebäörs vaan Turku, 2009.

Hugleikur Dagsson (Akureyri, 9 oktober 1977) is 'nen Ieslandse cartoonis, kemik en filmrecensent.

Leve

Dagsson woort gebore in Akureyri, in 't noorde vaan Iesland, es zoon vaan journalis en sjriever Dagur Þorleifsson en sjriefster Ingibjörg Hjartardóttir. Zie joonger broor, Þormóður Dagsson, zouw later de meziek in goon. In 2002 studeerden 'r aof aon de Ieslandse Kunsacademie in Reykjavík. Datzelfde jaor brach heer zien ierste bundel cartoons oet, Elskið okkur ('haajt vaan us'). Daonao zouw heer jaorleks e bundelke oetbringe. Zie werk had zoeväöl succes tot heer in 2006 't theater in góng mèt de veurstèlling Forðist okkur ('vermijt us'). E jaor later maakde heer 'ne musical mèt de naom Leg ('baarmoojer'). In 2006 brach heer ouch veur 't iers zien cartoons in 't Ingels oet. Vertaolinge in aander taole zouwe later nog volge; 'n Nederlandse vertaoling steit veur 2020 op staopel.

Later brach heer ouch korte filmkes op YouTube oet, oonder ziene koosnaom 'Hulli'. Dees filmkes tuine satire op 't leve in Reykjavík. In dit decennium versjene zien cartoons dèks direk in 't Ingels, en wel in The Reykjavík Grapevine ('n Ingelstaoleg blaad wat in Reykjavík versjijnt). In 2019 maakde heer 'nen tour door Europa mèt 'ne stand-up comedyshow. Datzelfde jaor góng heer in Berlien woene.

Stijl

Hugleikur zien cartoons bestoon oet sumpel, kinderlek geteikende pupkes, gecombineerd mèt extreem duusteren humor. Zien cartoons drejje dèks um taboe-oonderwerpe wie discriminatie, zelfmaord, kindermaord, biestemishandeling en oorlog. Ouch pis-en-kakhumor en absurden humor koume dèks veur. Noe en daan koume politieke cartoons veurbij; hei-in spraok heer ziech oonder mie oet tege de bankeers die Iesland in 2008 in crisis stortde, en Donald Trump.

De sjokweerde vaan zien cartoons kaom häöm al dèkser op kritiek te stoon. Euver 't algemein zien critici evels wel te spreke euver zie werk, wat es 'smakeloes meh grappeg' weurt umsjreve.

Werk

Cartoons (Ieslands)

• Elskið okkur (2002)
• Drepið okkur (2003)
• Ríðið okkur (2004)
• Forðist okkur (2005, bundeling vaan de veurege drei)
• Bjargid okkur (2005)
• Fermið okkur (2006)
• Fylgið okkur (2006)
• Eineygði kötturinn Kisi og hnakkarnir (2006)
• Ókei bæ! (2007)
• Eineygði kötturinn Kisi og Leyndarmálið (2007)
• Kaupið okkur (2007)
• Garðarshólmi (2008)
• Eineygði kötturinn Kisi og Ástandið, fyrri hluti: Annus Horribilis (2008)
• Ókei bæ twö (2008)
• Jarðið okkur (2008)
• Garðarshólmi, önnur skorpa (2009)
• Eineygði kötturinn Kisi og Ástandið, seinni hluti: Flóttinn frá Reykjavík (2009)
• Eineygði kötturinn Kisi og leyndardómar Eyjafjallajökuls (2010)
• Er þetta frétt? (2017)

Cartoons (Ingels)

• Should you be laughing at this (2006, vertaoling vaan Forðist okkur)
• Is this supposed to be funny? (2007, vertaoling vaan Bjargið okkur)
• Is this some kind of joke? (2008)
• Popular hits (2010)
• Popular hits II (2011)
• My pussy is hungry (2013)
• I hate dolphins (2013)
• Popular hits III (2014)
• You are nothing (2014)
• Bestsellers (2014)
• Pop hits (2016, compilatie vaan de drei Popular hits-deilkes)
• Where's GOD? (2016)
• The very worst of Dagsson (2016, compilatie)
• Think of the children (2017, Ingelse versie vaan Er þetta frétt?)
• The bloody best of Dagsson (2017, compilatie)
• 666 jokes (2018)
• The darkness surrounds me (2018)
• Is this news? (2019)
• Put your little hand in mine (2019)

Buunwerk

• Forðist okkur (2006)
• Leg (2007)
• Baðstofan (2008)

Animatie

• Hulli (2014)

Bronne

Dit artikel baseert ziech op de corresponderende Ingelse en Ieslandse artikele.

Extern links

• Persoeneleke website
• Twitterkenaal