Zelfmaord

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Zelfmaord, zelfdoeajing of suïcide (oet 't Letien: suicidium, van sui ("(zich)zelf") en caedere ("doeaje")) is de benaming veur 't opzèttelik ènjige van zien eige laeve. Wen 'n poeaging is mislök sprèk me van 'n zelfmaordpoeaging. Zelfmaord versjiltj van euthanasie, wobie 't laeven op eige verzeuk door emes anges wuuertj ge-ènjig. 'n Variant op zelfmaord is zelfeuthanasie, wobie de zelfmaord in rilletieve aopheid gebeurtj door anger luuj d'rbie te betrèkke.

't Motief veur 't plieëge van zelfmaord is neet ummer aeve dudelik veure naobestäöndje. Sómtieds luuetj de miens dae zelfmaord plieëg e document (wie 'nen aafsjiedsbreef of e berich oppe sociaal media) achter woroet bliek waat dae persoean haet bewaoge toet 't euvergaon op dees daod.

'n Apaarte vorm van zelfmaord is de zelfmaordaanslaag.