Heume

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

Liegking van Heumen in Gelderland

Heume (Nederlands: Heumen) ies 'n gemeinte in de Nederlandse provincie Gelderland. Ze liek ten zuje van Nijmege en grens aan Noord-Brabant en Limburg. 't Oppervlak van de gemeinte ies 41,50 km² (daovan 1,59 km² water) en d'r wone 16.824 luuj (1 januari 2006). Hoofplaats van de gemeinte ies neet Heume, meh Malde (Malden), woa 't gemeintehoes sjteit. Wiejer kerne zint Nederasselt, Overasselt en De Meulenhoek (Molenhoek; gedeiltelik) en de gehuchte en buurtsjappe Blankenberg, De Schatkuul (De Schatkuil), Hei (Heide), Schoonenburg, Sleeburg, Valenberg, Vogelezang (Vogelenzang), Vosseneind en Worsum. De gemeinte liek aan de Maas en aan 't Maas-Waalkanaal. De naam Heume zou aafsjtamme van Homene of Hoemen, ("vrieje man, óngebóngene"), meh dees verklaoring ies ónzeker.

De gemeinte Heume ies óntsjtange in 1980, wie de veurmalige gemeinte Overasselt bie Heume woort gevoog. 't Dörp Balgoij, dat bie de gemeinte Overasselt huèrde, kaom doe bie de gemeinte Wijchen.

Bie Overasselt liek 't natuurgebeed Hatertse en Overasseltse Vennen.

Externe link

• Website van de gemeinte