Hattem

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Ligking vaan Hattem in Gelderland

Hattem (Oos-Veluws/Sallands: Attem) is e stedsje en 'n gemeinte in de Nederlandse provincie Gelderland, aon d'n IJssel, aon de noordelekste punt vaan de Veluwe, mèt 'n oppervlak vaan 24,20 km2 (daovaan 1,08 km2 water) en (per 1 januari 2007) 11.636 inwoeners. Binne de gemeintegrenze ligke gein ander kerne.

Hattem is 'n echte forenzeplaots, mèt väöl inwoeners wèrkzaam in Zwolle. 't Historisch stedsje en de lendeleke umgeving zörge veur väöl toerisme.

Stadsgeziech[bewirk | brón bewèrke]

Bekinde monuminte zien de gotische pileerbasiliek mèt twelfde-iewse romaansen torie en 't raodhoes in Nederlandse renaissancestijl. Vaan de umwalling sjete nog de grachte en de vieftiende-iewse Diekpoort (oetgebouwd door Pierre Cuypers). Ander bezeensweerdeghede zien hierehoezer oet de zeventiende iew.

Historie[bewirk | brón bewèrke]

Hattem, veur 't iers geneump in 891 es Hattheim, kraog in 1299 stadsrechte en góng door zien strategische ligking al snel deil oetmake vaan de Hanze. In 1528 naom Sjarel V 't stedsje nao 'n belegering in. Tijens d'n Tachtegjäöregen Oorlog wisselden 't e paar kier vaan bezitter. Ind achtiende iew woort Hattem e breujnes vaan de patriotte, tot in 1786 generaol Sprengler 't in opdrach vaan stadhawwer Wöllem V innaom. Door de stagnatie in de achtiende iew waore väöl monuminte bewaord gebleve. In de negentiende en twintegste iew leet me die monuminte restaurere.

Gebaore in Hattem[bewirk | brón bewèrke]

Externe link[bewirk | brón bewèrke]

 
Provincie Gelderlandj
Vaan van Gelderlandj

Aalten · Apeldoorn · Arnhem · Barneveld · Berg en Dal · Berkelland · Beuningen · Bronckhorst · Brummen · Buren · Culemborg · Doesburg · Doetinchem · Druten · Duiven · Ede · Elburg · Epe · Ermelo · Harderwijk · Hattem · Heerde · Heume · Lingewaard · Lochem · Maasdriel · Montferland · Neder-Betuwe · Nijkerk · Nimwaege · Nunspeet · Oldebroek · Oost Gelre · Oude IJsselstreek · Overbetuwe · Putten · Renkum · Rheden · Rozendaal · Scherpenzeel · Tiel · Voorst · Wageningen · West Betuwe · West Maas en Waal · Westervoort · Wijchen · Winterswijk · Zaltbommel · Zevenaar · Zutphen

Opgeheve gemeintes

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hattem&oldid=386985"