Berg en Dal (gemeinte)

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Gemeinte Berg en Dal

n.n.b.

Waope vaan Berg en Dal

Ligking vaan Berg en Dal in Gelderland

Provincie Gelderlandj
Hoofplaats Groesbeek
Börgemeister (lies) Harry Keereweer (PvdA)
Opperflaakde
– daovan water
293,29 km²
4,36 km²
Inwoeners
deechde:
34.207 (1-5-2014)
385/km²

Berg en Dal is 'n fusiegemeinte in de Nederlandse provincie Gelderland. Ze is op 1 jannewarie 2015 opgeriech oet de daan opgelufde gemeintes Groesbeek, Millinge (Millingen aan de Rijn) en Ubberge. De gemeinte besteit oet de kerne Baek (Beek), Berg en Dal, Brejeweg (Breedeweg), Erlecom, Gruunlande (Groenlanden), Heilig Landstichting, De Horst, Kekerdom, Leuth, Millinge, Ooij, Persinge (Persingen), Tiengeboje (Tiengeboden), Ubberge, De Vlietberg en Werchere (Wercheren). De nui gemeinte zal e groet deil vaan 't Riek vaan Nimwege besloon.

Opriechting[bewirk | brón bewèrke]

De drei gemeintes hadde al langen tied te make mèt 'n te klein bestuurskrach. Feitelek wouwe ze al ieder fusere; e paar jaor veur de fusie gónge de amteleke organisaties al same; de börgemeister vaan Milllinge heel es gevolg daovaan ketoer in e wijer leegstoond raodhoes.

In d'n aonloup nao de fusie woorte de drie fusiepartners same dèks aongegeve mèt MUG-gemeintes (nao de drei beginlètters); es werknaom woort later Berg en Dal veurgestèld, nao 't villadörp wat noe verdeild is tösse Millinge en Ubberge meh es gevolg vaan de fusie in ein gemeinte kump te ligke. Veural in Groesbeek waor dao verzèt tege: dao wouw me de nui gemeinte liever Groesbeek neume. Aon de herindeilingsverkezinge vaan 19 november 2014 woort noe de vraog touwgevoog wie de nui gemeinte mós heite, Groesbeek of Berg en Dal. 'n Ing mierderheid vaan 50,8% koos veur 't ierste. Bijgevolg is dat de veurluipege naom gewore; op de ierste vergadering vaan 2015 zoch ziech de gemeinteraod 'nen definitieven naom oet, dee geld vaanaof 2016: Berg en Dal.

Politiek[bewirk | brón bewèrke]

Harry Keereweer vaan de PvdA, dee sinds aprèl 2012 al woernummende börgemeister vaan Groesbeek waor en sinds september 2013 ouch vaan Millinge, is veurluipeg ouch woernummende börgemeister in de fusiegemeinte.

Gemeinteraod[bewirk | brón bewèrke]

Op 19 november 2014 koos ziech de bevolking de volgende gemeinteraod:

CDA 3
Groesbeekse Volkspartij (GVP) 3
Voor Openheid en een Leefbaar Groesbeek (VOLG) 3
Combinatie '90 2
Gemeente-, Jeugd- en Sportbelangen (GJS) 2
GroenLinks 2
PvdA 2
Sociaal Groesbeek 2
Voor Berg en Dal (VBenD) 2
D66 1
VVD 1

De opkoms laog op 66,3%.

 
Provincie Gelderland
Vaan van Gelderland

Aalten · Apeldoorn · Arnhem · Barneveld · Berg en Dal · Berkelland · Beuningen · Bronckhorst · Brummen · Buren · Culemborg · Doesburg · Doetinchem · Druten · Duiven · Ede · Elburg · Epe · Ermelo · Geldermalsen · Harderwijk · Hattem · Heerde · Heume · Lingewaal · Lingewaard · Lochem · Maasdriel · Montferland · Neder-Betuwe · Neerijnen · Nijkerk · Nimwaege · Nunspeet · Oldebroek · Oost Gelre · Oude IJsselstreek · Overbetuwe · Putten · Renkum · Rheden · Rijnwaarden · Rozendaal · Scherpenzeel · Tiel · Voorst · Wageningen · West Maas en Waal · Westervoort · Wijchen · Winterswijk · Zaltbommel · Zevenaar · Zutphen

Opgeheve gemeintes

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Berg_en_Dal_(gemeinte)&oldid=386964"