Hel sjief

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

'n Hel sjief, van 't Ingels: hard disk drive of HDD, is 'n vorm van extern ónthaad, 'n lektromechanisch computeróngerdeil worop gegaeves kónne waere bewaardj. Mitte aangaeving "hel sjief" kan me de eigelike sjief meine worop inne vorm van magnetische polarisatie de gegaeves zeen gesjreve, meh meistes mèntj me 't gans apparaat mit sjieve, laes- en sjriefköp en besturingslektronica, same inne behoezing. In IT-documentatie wuuertj de term "vaste sjief" gebroek, ómdet de sjief vas inne computer wuuertj gemonteerdj. De gegaeves zeen permanent, in taengestèlling toet 't vlöchting Random-acces memory (RAM) en blieven ouch bewaardj wen de computer oet steitj. 'n Hel sjief is allewiel ummer verzeen van 'n besturingseinhed, de controller. Dit is 'n lektronische sjakeling die d'n toegank toete gegaeves oppe sjief regeltj.

Partitionering

Hel sjieve kónne waeren opgedeildj in mieërder partities. Daoveur kónne diverse raejene zeen:

Gegaeves wie documente kónnen op daen waeg waere gesjeie van 't besturingssysteem, zodet 't besturingssysteem mekkeliker is te vervange zónger gegaevesverluus;
Partities zeen meistes nuuedig veur mieëder besturingssystemen op ein hel sjieve te kónnen installere;
Partities zeen nuuedig es me mieëder bestandjssysteme, wie FAT en NTFS, naevenein wiltj gebroeke;
Sómmige fabrikantje gebroeken 'n herstèlpartitie, zodet 't apparaat trögk te bringen is wie 't woort gekóch.

Diverse pergramme bestaon veur hel sjieve te partitionere. Bie 't partitionere kónne de gegaeves oppe hel sjief verlaore gaon. Daoveur is 't hieël raodzaamp óm veur me geitj partitionere ieës 'ne back-up te make.

Fragmentatie

Ómdet bestenj meistes grótter zeen es 'ne sector enne vriej sectoren inne luip vanne gebroekstied versprèdj kómme te ligken euvere sjief zal fragmentatie optraeje. Bie fragmentatie zal e bestandj neet in aaneingeslaote sectore waeren opgeslage, meh verdeildj euvere vriej ruumdjes. Dit haet es gevolg det de leeskop dökker nao 'nen track of sector mót zeuken enne benuuedigdjen tied veur 't laezen en sjrieve toenump. Versjillige bestandjssysteme zeen mieër of juus minder geveulig veur fragmentatie.