Hein Bovendeaard

Van Wikipedia
Gank nao: navigatie, zeuke
Dit artikel is gesjreve in 't Norbiks. Ómdat 't plaatsgebónge is, maogs doe 't ómzètte nao 't Zittesj, as te dit dialek sjpriks.

Hein Bovendeaard is 'ne Limburgse dichter en sjriever. E sjrieft in 't Zitterds en in 't Nederlands.

Verenigingsmiensj en besjtuurder[bewirk | brontekst bewerken]

Bovendeaard waor ing van de initiatiefnummers tut de heroprichting van d'r Veldeke-kring-Zitterd in 1985 en e hanteerde van 1985 bies 1995 d'r vörzittershamer. Daobie waor Bovendeaard och nog 'n aantal jaor d'r secretair van de bleujende vereniging. Jaorelaank waor Hein Bovendeaard 'n drievende en wies krach achter 't verenigingslaeve va Zitterd.

Dichter en sjriever[bewirk | brontekst bewerken]

In 't waeëkblad Maas en Mijn besjreef Bovendeaard, oonder 't pseudoniem de Zittesje Sjnaak, gebäörtenisse en perzoeëne die in Zitterd in de belangsjtelling sjtonge. In de gedichte bezingt Bovendeaard z'n leefde vör 't Zitterds, vör de sjtad en hör beweuëners. De interesse en sjtudie van de gesjiedenis van Zitterd uut z'ch in de diverse beuk van z'n haand. D'r naam van de Stichting Charles Beltjens waor bie de oprichting in 1987 'n idee van Hein Bovendeaard. Diz sjtichting gift in kling oplages gesjiedkundige, volkskundige en culturele waerke oet.

Sjtäölke[bewirk | brontekst bewerken]

D’N AWDSTE VAN ZITTERD.

Doe sjteis dao zo majestueus en greutsj te kieke
(wae aan mien sjtad kump dae kump ouch aan mich);
Doe kiks óm dich haer en leets diene riekdóm blieke
Mer die oug is veural op Sint Pterus gerich.

Doe bès d’n awdste van Zitterd
mót jederein weite,
(d’n duvel is awd,waat meint geer uch waal);
Van al waat vruiger en noe zal gebeure
Dao sjpeels doe die rol in klaor Zittesje taal.

Doe bès ummer veur ós dao,maaks nemes verlaege
(waat moosj geer zónger mich
mit eur laammaekersjteun);
In veur- en taegesjpoud geefs doe ós de zaege
Zelfs d’n tied van d’n daag
vinsj doe ouch gans geweun.

Mer sjus in dat geweune bès doe zo bezónjer
(ós leifde veur dich góng biej
d’n duip al van krach)'
Blief mer biej ós en blief mer ós wónjer
Veer hawte van dich,jeder daag,jeder nach.

Dit gedich is gesjraeve in 1997 wie de VVV-nuje sjtijl in Zittert geaoëpend waoërt en 't geet över de Seent Petrus kèrk. Gepubliceerd in d'r bundel Trök in d'n tied va 2007.

Gepubliceerd waerk[bewirk | brontekst bewerken]

Zitterd trök in d'r tied. Diz oetgaaf bevat 'n 40-tal gedichte in 't Zitterds en 't Nederlands. Wieër och artikele en verhaole uvver typisch Zitterdse gebäörtenisse van de aafgelope daarteg jaor. 't Book wert verlucht mit nostalgische foto's en passende illustraties. 't Wert oetgegaeve dör de Stichting Charles Beltjens.

Innige ander publicaties:[bewirk | brontekst bewerken]

  • Mit de kómplimènte... (link nao de weblog van Hein Bovendeaard)
  • Typisch Schtad Zitterd
  • De Phil, 100 jaor achter de vaan (mit Jos Daniëls) (100 jaor Philhermenie Zitterd)
  • Limburgs Eige (Oetgaaf van d'r Veldekekring Zitterd)
  • De Petruskerk
  • Mit de complemènte

Oondersjeijinge[bewirk | brontekst bewerken]

  • Bronze Legpenning van de Gemingde Zitterd
  • Bronze Legpenning van de VVV Zitterd
  • Ridder in de Orde van de Pappegey
  • Ieërelid van d'r Veldekekring Zitterd (2001)
  • Ridder in de Orde van Oranje-Nassau (2002)
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Hein_Bovendeaard&oldid=349253"