Hald mich ens vas

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.


"Hald mich ens vas" is 'n leed van de Venlose popgróp Neet oét Lottum. 't Nummer is aafkómstig van hun album Krak in 2004. Wie gebroekelik is 't leed geschraeve door Frans Pollux, dae 't ouk zink. 't Leed ónderscheit zich van hun ander, döks carnavalistisch wèrk door de zieër serieuze toeën.

Teks[bewirk | brón bewèrke]

In 't leed vertèlt de zanger euver 'ne vrind dae zelfmaord haet geplaeg. Op zienen oetvaart loeërt hae truuk op de dinger die ze same höbbe mitgemak, en zaet hae det 't häöm neet lök euver 't leid hin te koume. Frans Pollux gaof aan det 'r d'n inhald van 't leed zelf haet belaef, mer det hae leever neet al te vuul dreuver zaet um 't de luuj die 't troeës beit neet aaf te pakke.[1]

Meziek[bewirk | brón bewèrke]

"Hald mich ens vas" is ennen ballad in 6/8-maot mit 'ne groeëte rol veur de piano. De couplètte staon in C-groeët en modulere in de leste raegel nao F-groeët, wao 't refrein in steit. Mit 'n ind op d'n dominant wuurt 't leed weer door 'n C-akkoord aafgeslaote.

Succes[bewirk | brón bewèrke]

"Hald mich ens vas" is zeker 't succesvolste en werschienlik 't bekindste leed van de gróp. In 2005 debuteerde 't baovenaan de Limbo Top 100.[2] Lendelik rakde 't leed verenkerd in d'n Top 2000, wao 't in 2005 op plaots 508 debuteerde. Saerdeen haet 't edersjaor d'n Top 2000 gehaold, mit es hoeëgste positie nummer 235 (in 2007).[3]

Rifferenties[bewirk | brón bewèrke]

  1. YouTube - Minidocumentaire Hald mich ens vas - Neet oét Lottum / Top 2000 (Hollands en Limburgs)
  2. L1 - L1mbo Top 100
  3. Radio 2 - Top 2000
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hald_mich_ens_vas&oldid=411422"