Ginger Baker

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Ginger Baker mit Cream in 1968.

Peter Edward "Ginger" Baker (Lewisham, 19 augustus 1939Canterbury, 6 oktoeaber 2019) waas 'ne Britsen drummer.

Hae haw zie grótste succès inne jaore sèstig mitte groep Cream, wo ouch Jack Bruce en Eric Clapton in zote. Daoveur speeldje d'r bie ónger angere Graham Bond en Alexis Korner. Nao Cream speeldje Baker onna mit Clapton inne groep Blind Faith, same mit Rick Grech en Steve Winwood, en ouch inne eige band Ginger Baker's Air Force. Anger bands wo d'r in speeldje wore Hawkwind, Atomic Rooster, Masters of Reality, Public Image Ltd. en Baker Gurvitz Army. Ginger Baker haet onna mit Jack Bruce en Gary Moore samen in e trio gezaete.

De drumstiel van Baker waas e samekómme van jazz, blues en Afrikaansen invlood. Hieveur reisdje d'r aaf nao Afrika veure etnische ritmes te bestudere.

Inne documentair Beware of Mr. Baker (2012) wuuert ziene lestig kantj beleech; hae sjeen e good temperamènt te höbbe waat langdoerige samewirking lestig maakdje.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Ginger_Baker&oldid=438330"