George Gordon Byron

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Lord Byron in 1824.

George Gordon Byron (Londe, Ingeland, VK, 22 jannewarie 1788 bis Mesolongi, Wes-Griekeland, Griekeland, 19 april 1824), in de Ingelse vouksmoond beter bekind es Lord Byron is eine vaan de bekinste sjrievers en diechters oet de Ingelse literatuur. Heer waor e leiend feguur in de Romantiek. Nog ummertouw weurt heer gezeen es eine vaan de groetste Europese diechters en is zien wèrk gaans en al populair. Zien bekinste verhaole zien Cgilde Harold's Pilgrimage en Don Juan. Byron is ouch bekènd umweeg de meneer wie heer zie leve leide. Heer waor 'nen dandy, leefde extravegant, mèt väöl leefdeaffaires en hoeg sjölde. Zien gevech tege de Törke in de Griekse oonaoghenkeleksoerlog woort oetindelek zienen doed vaanwege 'n krenkegheid die d'r kraog in 'n dörpke in Wes-Griekeland. Heer is begraove in 't femiliegraaf vaan de St. Mary Magdalene Church in Nottinghamshire. A memoriaol beeld waor d'r vaan häöm evels neet bis 1969. Heer waor 'ne biseksueel (homoseksualeteit woort in deen tied tösse manslui, evels neet tösse vrojluij, bestraof in de mieste Europese len) en nao zègke vaan aandere had heer inces gepleeg mèt zien haaf-zöster. Caroline Lamb, 'n vrouw vaan Ingelse adel, had 'nen affair mèt häöm veur 'ne korten tied en numde häöm later gewejd, vètteg en geveerlek um te kinne (mad, bad and dangerous to know). Zien dochter, Ada Lovelace, waor bekind es ein vaan de oetvinders, same mèt Charles Babbage, vaan e prototiep vaan 'ne computer.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=George_Gordon_Byron&oldid=405694"