Fortuna Sittard Stadion

Van Wikipedia
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Zittesj, es te dit dialek sjpriks.

D'n Trendwork Arena vaan op 't weiland.

't Fortuna Sittard Stadion is e stadion in Zittert. 't In 1999 opgelieverd stadion is d'n toesbasis vaan voetbalclub Fortuna Sittard, wat tot daan touw ummer in De Baandert had gespäöld.

In 't stadion, wat 12.500 zitplaotse kint, zien de tribunes vaan 't veld gesjeie door 'ne grach. In de catacombes vint me bovenein vergaorzaole, 'n verdeping veur de sponsors en ein veur business units. In de kelder is 'n parkeergraasj.

't Stadion woort in november 1999 mèt 'ne match tege FC Schalke '04 geopend oonder de naom Wagner & Partners Stadion. In 2005 mós Fortuna 't verkoupe aon 'ne projekoontwikkeleer. Wie de financieel probleme aonhele, trok ziech de sponsor trök, zoetot vaan 2008 tot 2009 't stadion gewoen Fortuna Stadion hètde. Sinds 2009 hètde 't evels Trendwork Arena, nao de nuie sponsor Trendwork Oetzendgróp. Trendwork góng in 2013 zelf failliet; mèt de nuie hoofsponsor Offermans Joosten Groep woort de naom Offermans Joosten Stadion. Nog in december vaan datzelfde jaor wisselde Fortuna weer vaan hoofsponsor; de nuie sponsor Fitland koch 't stadion ouch op, meh besloot ziene naom neet draon te verbinde.

In 't stadion is twie kier 'ne vrundsjappeleken interland gespäöld: Op 11 mei 2006 Saoedi-Arabië tege 't Belsj (1-2), op 2 juni vaan datzelfde jaor Angola tege Turkije (2-3).

Bron[bewirk | brón bewèrke]

Dees paasj is gebaseerd op 't corresponderend Nederlandstaoleg artikel.

Extern links[bewirk | brón bewèrke]