Ferdinand Grapperhaus

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Grapperhaus bij 'n rendez-vous in Bölgarije mèt Europese ministers vaan Justitie

Ferdinand Bernard Joseph Grapperhaus (Amsterdam, 8 november 1959) is 'ne politicus, juris en advocaat en d'n huidege Nederlandse minister vaan Justitie en Veilegheid in 't kabbinèt-Rutte III. Heer is lid vaan 't CDA.

Grapperhaus greujde op in 'n katholieke femilie in Amsterdam. Tösse 1977 en 1984 studeerde heer Rechte aon de Universiteit vaan Amsterdaom. Dao promoveerdere heer ouch in 1995. Vaanaof 1984 waor heer advocaat en tijdes die carrière is heer deiltied-hoeglieraar gewees aon de Universiteit Mestreech veur Europees arbeidsrech (2005-2017) en waor heer kroenlid vaan de Sociaol-Economische Raod (Sociaal-Economische Raad, SER) (2006-2016).

Tijdes de besjeting in de Utrechse wiek Kanaleneiland op 18 miert 2019, waor Grapperhaus väöl in de aondach umtot heer moos opheldere of de situatie um 'n terroristische aonslaag góng, en zoe jao, of de bewegingsreie gegroond waor in 'n Islamitische ideologie.

Grapperhaus' vrouw hiemelde in 2016. Zie leet häöm achter mèt drei zöäns en ein dochter.