Kanaleneiland

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Ligking vaan de subwiek Kanaleneiland in de wiek Zuidoos.

Kanaleneiland is 'ne subwiek vaan de Nederlandse stad Utrech. Heer maak oonderdeil oet vaan de wiek Zuidwes (zuug keertsje) en besteit zelf oet de buurte Kanaleneiland-Noord en Kanaleneiland-Zuid. Kanaleneiland is geneump nao de drei kenale die ziech hei snije: de Leidsche Rijn, 't Merwedekenaal en 't Amsterdam-Rijnkenaal. De subwiek wie de gemeinte 'm versteit is evels kleinder es 't eiland wat die drei kenale make: heer nump allein 't weste in, dewijl 't ooste oonder Transwijk vèlt en 't zuie Westraven weurt geneump.

Kanaleneiland is in de jaore 1960 gebouwd es 'ne ruim opgezatte wiek mèt hoegbouw en väöl middebouw. Al gaw vestegde ziech väöl gasarbeiers in de wiek, die dao mèttertied ouch mèt hun gezinne gónge woene. Veural de Marokkaonse gemeinsjap woort groet. In d eloup vaan de jaore kraog de wiek te make mèt groete sociaol probleme, wie lieg inkoumes, hoeg wèrkeloesheid, hoeg criminaliteit en lieg sociaol cohesie. Zoedoende kaom Kanaleneiland op de lies vaan aondachswieke vaan Ella Vogelaar.

Sinds 1983 weurt Kanaleneiland bedeend door de sneltram vaan Utrech nao Nieuwegein en IJsselstein. De wiek is ouch good bereikbaar vaanaof d'n A12.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kanaleneiland&oldid=432671"