Euverlèk gebroeker:Edwinpeelen

Hoj,

sjoeën attikel has se gemaak. Endlig ieëmes oet g'n Paksjtad. :) Wat vuur dialek sjrieëft dier? --SCV (euverlègk) 27 jan 2017 18:35 (CET)

Ut is Landgraafs dialek, mar ut is mieë ing mengeling van dialekte oet de Oostelikke Mijnsjtrieëk. Ich han nog nit zoeë veul ervaring heij, mar ich hoop dat dis pagina bliet besjtao. Ich zal probere regelmaotig enne update te gaeve. Misjien haste nog get leuke tips? Edwinpeelen (euverlègk) 27 jan 2017 18:49 (CET)

Vier han ech mieë lüj oet de Miensjtreek nuëjig. Wikipedia mót natoerlig neet inkel 'n Mesjtreechs noasjlaagwirk weëde. Ich bin nor enne jóng (20 joare) en woeën noe al mieë as tien joare boete Limburg, en waal i g'n keizersjtad Nimwege (doa goa ich óch germanistiek sjtoediere). Seër 2015 bin ich hei actief en sjrieëf ich attikele op 't Heëlesj en de Ripuarische uëvergansdialekte, meh óch op totaal anger dialekte, wie 't Venloos en 't Mesjtreechs. In 't begin hou ich muijte de richtige sjriefwies aa te haote, meh ich goa óch vuurtoet. Mesjien wilt dier mieë beidroage i ding dialek. Oet wèlk deel va Lankgraaf kunt dier? Woabig, Nuienhage, D'r Sjeet...? Dees drei plaatsje hant eur eige dialek. Wen ste zikker bis va ding dialek, kint dier dat boave 't attikel plaatsje. Dat geet bevuurbild zoeë: {{Dialek|Woabigs}}.

Joa.. Mesjiens tip #1: vier mótte ós haote aa de Veldeke-Sjpellingsrichlien. Dat heësj o.m. dat vier dös vuur 't wöadsje [ut] ['t] sjrieëve en dat vier óch neet [un(nen)] sjrieëve meh ['n(en)] sjrieëve. #2: wen me oet g'n Miensjtreek kunt, mós me völges mich "oeëstelig" sjtat "oostelik" sjrieëve en kalle, wie ich i ming Heëlesj doog. 't Kan hieël good zing dat Limburg verhollesj (wat me zeet i [oostelikke mijnsjtrieëk]). Óch vuur mich as untheemde Limburger is dat e punt oeë ich aaf en toe op mót litte. --SCV (euverlègk) 27 jan 2017 19:37 (CET)

Sjun te huure. Zieker op diene laeftied. Ich bin bang dat ut Limburgs langzaam minder waet. Ich bin veurig jaor daorum begos mit ut sjrieve van Limburgse (Landgraafse) leedjestekste. Mit sukses kin zich sage. Wellicht daste mich af toe kins helpe. Want ich wil dat ut dialek perfekt mot zieë. Ich han ut Woordenboek Nederlands - Limburgs van Paul Prikken ummer naever mich ligge. Alling sjteet dao nit ech mie dialek i. Ut bliet dus ummer probere. En och dae verdomde sjpellingskontrole mak mich de nerve kapot. Vuur houe kontak. Edwinpeelen (euverlègk) 27 jan 2017 20:18 (CET)

Sowieso bin ich va plan um 't Heëlesj-Hollesj wöadbook aa te sjaffe. 't Heëlesj en de Lankgraafse dialekte lieke zieër vöal opeen. Dit hou ich óch gevónge: e vertelsel op 't Woabigs. I zölk beuk kint dier óch de typische wöad of richtige sjpelling van i dit geval 't Woabigs aafleije. Ich roaj dier aan, wieër 't sjrieëve. En natoerlig hèlp ich dier geer wieër. De Lankgraafse dialekte zint ja zjwer ungervertegewöadig. Sjik mich e berichske went dier vroage hat. Liek mich e sjiek plan! --27 jan 2017 21:55 (CET)

45èlf

Hoj Edwinpeelen,

gister houw ich euren tèks get verbeëterd. 't Geet vuural um dinger die ich heiboave houw genumt, wie [ut] -> ['t], meh óch get sjpellingskwesties. I g'n Oeëstelige Miensjtreek sjrieëf me "ao" as "oa", dös "gedoa(n)" sjtat "gedaon". Wieër guëf 't wöadsjes, die in 't lokaal plat zint uëvergezet, wie "tijdens", "meteen" en "onregelmatig". Weil 't Landgraafs egelig neet besjteet, houw ich boave 't attikel {{Watveurdialek}} geplaats. --SCV (euverlègk) 29 jan 2017 12:45 (CET)

leedjestekste

Misjien wilste wal ins een paar van mieng leedjestekste bekieke? Misjien kinste dao nog get vinge? 84.25.212.105 29 jan 2017 20:37 (CET)

Joa natoerlig. Sjik mich meh e paar sjtökker tèks. 84.25.212.105 is dien IP? --SCV (euverlègk) 29 jan 2017 20:55 (CET)

Ich bin neuj heij, dus weet nit presies waste bedoelst mit mien IP en watste dao mit kinst. 84.25.212.105 29 jan 2017 21:03 (CET)

E IP-adres hat jieëker apparaat, dös óch diene computer. Wen se neet ingelóg bis as EdwinPeelen en doo bewèrks 'n pazjena op Wikipedia, dan zeen vier dat ónger dien IP-adres. --SCV (euverlègk) 29 jan 2017 22:58 (CET)

Leedjes tekste

Ich how dich al ins gevraog of daste ins ing paar van ming tekste wools bekrieke en korrisjere. Wilste mich helpe? Wie kin ich dich die ut beste sture? Geweun knippe en plekke heij?

De maags 't hei plaatsje, meh óch óp minge uëverlekpazjena. --SCV (euverlègk) 20 mrt 2017 12:08 (CET)

Beëter sjeef derin...

Nit mieë wie inne kroekesjtop, nit ech ee sjportfiguur.
Ee bee te kót, twieë linker veut, min twelf in 't montuur.
Al dartig joare rechsboete. Nog noeëts d'r bal gehad.
'ne Sjeële klotskop op 't veld. De club die waor höam zat.
Mar nao ing uëvertrejing, houw heë zing kans gepak.
Vanaaf de elfmeter, zieng ieësjte goal gemak.

[refring]
Beëter sjeef derin dan rech d'r never. Mit get prove geet 't good.
Beëter sjeef derin dan rech d'r never. Kom, verlees noe nit d'r mood.
Beëter sjeef derin dan rech d'r never. Han gedöld en num de tied.
Mit klinge sjtepkes kunste wier. 't Geet al vöal beëter wie d'r ieëjste kieër.

Heë wirkde bei de GeeGeeDee es medisch assistent.
Nog nit zoeë vöal ervaring. Nog nit zoeë vöal gewend.
Heë moog inne kieër perbere en sjtikt óp good geluk.
Dus efkes tendjes ópee en flink noa vuur gebuk.
De bóksj haof óp de kneie. Mit touwgeknepe bats.
Hat heë mit pieng en muite, ing sjpriets derin geflats.

[refring]
Deë daag deë zou goa kómme. Die nach zoeë lang verwach.
Zing meëdje weëd zing vruike en i de trouwnach:
Mit hange en mit wurge en zjweet óp zing gezich...
löpt heë gesjpanne rónk 't bed en doog es man zing plich.
Gemorks tussje de lakes en sjtónde geperbeerd.
Bekans mit dat gehoddel, zing vrouw versjangeleerd.

[refring]

[bruk]
Huur óp mit dat gekloemel. Sjei oet mit dat gevring.
Noe blief dich concentrere; dan geet 't van alling.

[refring]
't Is egaal wie lang me helt . 't Rezeltaat, dat is alling wat telt.

Edwin Peelen, ding gedich is gekorresjeerd. :) --SCV (euverlègk) 22 mrt 2017 17:17 (CET)