Euverlèk categorie:Paerdesjport

Leef lui, hölp miech ins eve mèt eur taolgeveul. Iech höb dees categorie wel zoe sjiek paerdesjport geneump, meh is dat wel good. In 't Limbörgs goon de mieste samestèllinge mèt peerd/paerd evels mèt 'n verbindings-s: peerdshaor, peerdskeutel, peerdskop, peerdsneut, peerdsstal en nog zoeget (alle veurbeelder oet de NMD). Zoe zouwste meine tot 't ouch peerdssport (AGL: paerdssjport) zouw mote zien. De rei tot iech dao neet veur gekoze höb, is tot 't wel weer peerdekrach en peerdemerret is: wienie 't lid peerd in de samestèlling miervoudeg is, geit de samestèlling mèt -e-. Etymologisch klop dat ouch beter (miervoud moot oersprunkelek *perde zien gewees, en *perdes waor daan genitief inkelvoud). Ouch veur de peerdesport, boe-in mèt mie peerd weurt gesport, geit dat op, dus leek miech deze vörm logischer. Meh zeker weten daon iech 't neet, dus wat tunk uuch? Steinbach (euverlègk) 9 mrt 2013 10:59 (CET)
Iech zouw eur meining hei gere euver hure. Steinbach (euverlègk) 12 mrt 2013 15:03 (CET)

Vreuger góng v'r óp Hoeëgkruuts kieke nao 't persjrenne en ik zègk ooch persjmaart. Persjsjport kleenk allèng get raar ömdat me dat die twieë sj's achtereen haat.--Mergelsberg (euverlègk) 12 mrt 2013 15:10 (CET)

In 't Mofert kump "paerd", juus wie "hóndj" ("hónjs-"), allein in combinaties veur es "paers-". Paersmert klink mich neet vraemp, paerdekrach den weer waal es 't óm pk geit, ómdet 't neet ech 'n daadwerkelike associatie mit e paerd ópreup. Paerssport klink ouch good in mien oeare, baeter es mit 'n -e- d'rtösse. --OosWesThoesBes (euverlègk) 12 mrt 2013 17:37 (CET)

Hm, iech haw 't trop tot allebei kin, meh dat 't neet in eder dialek 'tzelfde is. Iech höb nog ins in d'n AGL-dictionair geloerd, en dewijl paardensport dao neet insteit, höbbe alle samestèllinge mèt paerd- 'n verbindings-s. Daan zal 't wel paerdssjport mote zien, en aongezeen 't AGL gooddeils op 't midde-Limbörgs is gebaseerd, kin dat wel kloppe. Steinbach (euverlègk) 12 mrt 2013 18:52 (CET)