Euverlèk:Waterpöt

Pagina-inhoud wordt niet ondersteund in andere talen.
Van Wikipedia

Över sjpraeëkwaoërd "bare binge". Zow daomèt neet 'n vergeliek gemakd zieë tössje 't nutteloze va babbele en kwebbele en 't binge va bare, dat me wal kan probere mae ooch neet richtig wèrkt of hèlt. In de twieë gevalle verdèèt me ziene tied.--Mergelsberg 25 mrt 2008 17:41 (CET)[reageer]

Bare binge woort gezag van vrouwe, die same lang mètein sjtinge te moele. Daen tied van kalle woort vergeleke mèt de tied dae vreuger nuèdig waor um 'n baar te reparere. Tied verdoon ies toch get andersj.--Aelske 25 mrt 2008 19:36 (CET)[reageer]
Ich kèn mich vergisse mae 'ch mieng dat vatter en tonne (va hoot) gebonge waoërte dör 'ne kuper of vatbènder, öm ze te make en te reparere, mae bie 'n sjtènge baar haat dat toch gene avance. Die koes me vreuger neet good reparere. Wie me nog gènge liem how - liem gong me pas in d'r 19de ieëw vör 't örsj gebroeke - doog me dat met klèngs sjtökskes iezer oeëmèt me wie 'n kram de sjtökker anèè probeerde te make. Waterdicht waor de baar daonao neet mie. Volges mich is 'n baar ömmer van aardewaerk en daovör is bare binge ègelek get wat gaar neet gedoeë waoërt. Daobie, noe wie vroluuj neet mie "bare binge", mankeert 't de samelaeving opèns an cemaent. Dus zoe nutteloos waor dat "bare binge" noe ooch wer neet. Sociologisch bezieë waor 't ieëder 'n vörm va gratis sjtil diplomatie.--Mergelsberg 25 mrt 2008 23:20 (CET)[reageer]
Moos iech nog ins reagere? Aan hypotheses waog iech miech neet, iech höb allein gesjreve wat iechzelf weit oet ervaring en wat iech in mien brón höb geleze (Henk Thewissen (germanis): etymologisch woordebook)--Aelske 28 mrt 2008 16:15 (CET)[reageer]
Oeë haste die bron aa-gegaeve? En da nog, reageer 'ns op wat 'ch sjrief. Dat zeunt gèng hypotheses, mae 'n opvatting op bais va materiekènnis. Mèt bronne mot me ooch kritisch ömgoeë. Dieng bron vergist zich bie gebrek an materiekènnis volges mich.--Mergelsberg 28 mrt 2008 17:54 (CET)[reageer]
Oeë-op betrèkt die ervaring zich? Op 't hure zègke van 't gezèkde en d'r oetlèk van luuj daovan of has-te ieëmes 'n baar zieë binge in letterleke zin. Wat sjrieft Henk Thewissen zjuus (interesse) want 'ch han dae dictionaer neet hie.--Mergelsberg 29 mrt 2008 12:32 (CET)[reageer]
bie "Baar" sjtoon 3 beteikenisse. 2+3: hoge aarden pot en (draag)baar (afl. gotisch werkwoord bairan=dragen enz.enz. ouch van spa.barro (leem). Achter "bare binge" sjteit precies wat iech hiebove höb aangehaold.--Aelske 29 mrt 2008 13:01 (CET)[reageer]
Ich zeen in die oetdrökking "bare binge" mäögelek 'n väöl intellegaenter sjtielvörm es wie wert aa-genaome. En öm te wete te kaome of dat zoe is is 't belangriek dat v'r d'r achter kaome of dat überhaupt mäögelek is öm 'n baar te binge. Volges mich neet. Ich han hie zoe'n broen kapotte baar en 'ch zeen ech neet wie me dat an-èè zow kènne binge wie 'n vat of 'n ton, die va hoot - 'n ander materiaal oeëbie dat waal gèèt - is. Dieng bron kan zich dis vraog neet gesjtèld ha of neet gedach ha an 't gegaeve dat hie de bare (amphore) pas (wer) kieëme mèt de Romeine. De Kelte makde in d'r Romeinse tied allèng vatter va hoot en get klènger aardewerke grule. "Bare binge" haat ooch de aow ww-vörm behaowe. Daobie zaet de oetdrökking Bij haar kun je een potje breken toch ooch dat es 'ne aardewerke pot brèkt, e neet mie te make of reparere is. Ich goon wieër mèt oetzeuke en laot dich get hure es 'ch nuujs han.--Mergelsberg 29 mrt 2008 21:37 (CET)[reageer]
Aelske, 'n putbaar van aardewaerk liekt mich sjtaerk. De kaans dat me die kapótbroejt es me water d'r mèt oet 'ne sjtènge put wilt óphaole is tóch väöl te groeët. Die putbatre waore of van hoot of van metaal.--Mergelsberg 17 jul 2009 21:39 (CEST)[reageer]
Volges miech woort in 'ne waterpöt idd. ummer houte ummere gebruuk um te takele. Later mesjiens zinke. Zoane ummer bleef natuurlik bie/in 't pöthuuske en 't water woort euvergesjot in eige ummere of in 'n pötbaar. "Pöt" zagte de luuj vreuger tege 't water dat oet de pöt kaom, daorum waarsjienlik 't woord: pötbaar.--Aelske 17 jul 2009 21:57 (CEST)[reageer]
Dat d'r tóp oeë me dat water mèt óptakelde va hoot (of zeenk) waor maog da vör mich väör alle dudelekheed nog d'r bie in 't lemma. Zóws te 'ns oonderaan bie baar (etymologie) wille kieke en dieng gedachte 'ns laote goeë över 't verbaand tösje have, later in Norbik haeve en baar (drage)? Dat óptakele va water oet 'ne put is tóch ooch haeve va water? Doe maogs dich gerus d'r tied naeme tenzij daste d'r al mèt bezig waors.--Mergelsberg 17 jul 2009 22:16 (CEST)[reageer]

Nog effe euver bare binge. Th. Dorren sjrief in zien woordebook (1917) dat 'n gebarsjte baar nao de barebinger gebrach woort, dae d'r ein of miè houte hoepele umheen bóng. Me bleef dan, kallentaere, op de onmiesbaar baar wachte tot 't werk vaerdig waor.

'n Ander/ ouwer woord veur liekbaar ies baor.--Aelske 27 jul 2009 10:38 (CEST)[reageer]
Sjaampsjtèng bie twiede paoërt
Sjaampsjtèng zeunt noeëts vuursjtèng mae zjwerfsjtèng die me in d'r oondergroond voond. itt wat 't nl lemma sjrieft haat 't hie waal gletsjers gehad tiedens 'ne iestied, getuge ooch 't U-vörmig dal van de Berwien. Zieëker bie 't gave van putte waor de kaans dao dat me ze vóng. Ich han oeëts zelf 'ns 'ne dieke voonde: aonderhaove meter laank en 'n 50 breed en diek.--Mergelsberg 23 jul 2009 20:25 (CEST)[reageer]
Correctie en aanvulling: Zjwerfknabbe in Limburg zeunt tertiaire zaandsjteen- of vuursjtèè"verkittingen" die te zjoeër waore öm mèt de normaal erosie mètgeveurd te werre en dus achterbleve en later hoeëgoet bedèkt waoërte mèt löss. Die sjtèng zeunt dus gèng zwerfkeien in nl betekenis. 't Laandies is hoeëgoet bie Nijmegen-Dusseldörp kaome; mae de U-vorm van 't dal van de Berwien blieft waal e probleem. --Mergelsberg 24 jul 2009 22:22 (CEST)[reageer]
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Euverlèk:Waterpöt&oldid=168167"